1 Bersyukurmi barana MORI orona NA duwa! Ne duwa-NA mori wali-mori wali! 2 Ngga'i kahiddage Israel, "Kasih setia-NA mori wali-mori wali." 3 Ngga'i ne ngara i ummana Harun kahiddage,"Kasih setia-NA mori wali-mori wali!" 4 Ngga'i haida ata a mandautawi MORI kahiddagea,"Kasih setia-NA mori wali-mori wali!" 5 Kesesakan danagu, ku kawula barana MORI, ne pandouna a luwara MORI na waleaga. 6 Napalolo dengaga MORI, dakku mandautaki. Appako parawina ata baragu/ 7 MORI napalolo dengaga, natuluga, youwa ku etawi ngara ata a buttuga ate. 8 Na duwapo berlindung barana MORI, daripada bata waiwi na ata pi'a. 9 Na duwapo berlindung barana MORI, daripada bata waidi haida ngara penguasa. 10 Ngara kuwa bangsa a koaga, ne barana ngara MORI, tetakka youwa kutumpasai. 11 A kopaga, ya, a kopaga, waina ngara MORI, tetakka youwa ku tumpasai. 12 A kopaga ekakowa kanena, a poddawi ekakowa api tara dana, waina ngara MORI, tetakka youwa ku tumpasai. 13 A pawessi batulluraga nya kaku gogolaga, takka MORI na tuluga. 14 MORI nya pawessigu monno dodogu, NYA keselamatangu. 15 Punni kabuara keselamatan wa'ige ne kemah danana ata a tena, Limma kawana MORI na rawige keperkasaan! 16 MORI napamadetawi limma kawana-NA, limma kawana MORI na rawina keperkasaan. 17 Youwa dakku mateki, takka ku tolekaga, monno kaku tekki gudi ngara parawina MORI. 18 MORI napadisiplin baga, takka danna yakiaga bara pamate denga. 19 Wukke gadi ngara binna kebenaran, kaku tamaga monno ku weila deta bara MORI. 20 Ne nyaba binna gerbang MORI, ata a tena na tama. 21 Ku weila deta bara-MU orona WO'U MU wale baga, monno WO'U bana keselamatangu. 22 Togo patullarada tukang a pakedde umma nanyabana togo penjuru, 23 Ne walina bara MORI, keajaiban ne matada. 24 Ne nyaba loddo parawina MORI, maida kata kabuara monno wela deta barana. 25 O MORI, paselamataga! O MORI, sejahterakanlah! 26 Namaringina ata a mai waina ngara MORI, mapamaringimi wali ummana MORI. 27 MORI nya ALLAH, monno napamangewalabada. Kettewi kurban loddo raya waina kalerre, ne kadu mezbah." 28 WO'U bana ALLAH, monno youwa ku weila bara-MU, WO'U bana ALLAHgu, ku pamadeta-WU! 29 Bersyukurmi barana MORI orona NA duwa! Duwa-NA mori wali-mori wali.