¹ Ku manawarawi MORI orona na rengngega li'igu, madengngigu. ² Orona, napatidiwi katillu-NA baragu, nya kaku kawula barana ne ngara loddogu. ³ Kalerre ata mate nakollorabaga, monno kengeriana ata mate a wenna baga, a wennaga kesesakan monno mate dana. ⁴ Bage, ku kawula bara ngara MORI: "O MORI, ku tabayyaga, pasilligai dewagu!" ⁵ MORI na murah ate monno adil, ALLAHda berbelaskasihan. ⁶ MORI nakoro golluwi hidda sederhana, youwa kulemahga, monno NYA napaselamataga. ⁷ Hai dewagu, baliwu kungauwu, orona MORI nabalasmi. ⁸ Orona, WO'U MU pasilli bagai dewagu wali mate dana, matagu wali we'e mata, wa'igu wali katundura ⁹ Ku kako aro-N AMORI, ne wanno ata toleka. ¹⁰ Ku mennewi, lakka nyako baku tekkiwe,"Na alluwe millagu." ¹¹ Lungguge ne ngetta danagu, "Ngara kuwa ata mapodeta." ¹² Peikona ku tauna tanga ne duwana MORI, barada ngara kuwa duwana baragu? ¹³ Ku keketawa piala keselamatan, monno ku kawula barana ngara MORI. ¹⁴ Ku bayarage nazargu barana MORI, ne aro ata papanunga-NA. ¹⁵ Napawelliwe aro matana MORI, mate-NA ata kudus-NA. ¹⁶ O MORI, youwane ata-MU ga. Youwa ne ananaga ata-MU, anana ata-MU mawinne. MU pasilli bagai ngara a rendega. ¹⁷ Youwa kuyawe maraka syukur bara-MU, monno kukawulana ngara-NA MORI. ¹⁸ Ku bayarage nazargu barada MORI, aroda ngara ata papanunga-NA, ¹⁹ ne pelataran ummana MORI, ne tillumi, hai Yerusalem. Deikawa MORI!