¹ Danyake barama, o MORI, danyake barama, takka barra ngara MOWE kemuliaan bayawe, orona kasih setia-MU, orona benara-MU. ² Appawe ngara ata ka hiddage, "Jenyawi ALLAHda?" ³ MAROMBA ALLAHma ne'i surga dana, na raigea ngara pabei-NA. ⁴ Ngara kasala touda hidda bana haida omma kaka monno omma rara, papawilli limma ata pi'awi. ⁵ Wa'ige ngadada, takka danna bisake bapanewe; mata, takka da bisaki baeta; ⁶ katillu, takka darengngeki; korru takka dana bisaki bana maunnuka. ⁷ limma, takka da bisaki ba lagami, wa'i, takka da bisa kako; monno da bisaki bapanewe waina talatukkada. ⁸ Ngara ata a raige kahinna kaina, hinna jaina ngara ata a wai-WI. ⁹ Hai Israel, waiwi na MORI! NYA a tulumi wali barada ketoda. ¹⁰ Hai ngara kuwami ina ne ummana Harun, waiwi na MORI! NYA a tuluda monno perisaida. ¹¹ Yemmi a mandautawi MORI, wai-WI MORI! NYA a tuluwi monno peisaida. ¹² MORI nalolo bada, NA pamaringida. NA pamaringiwi ngara i ummana Harun, ¹³ NA pamaringiwi hidda a mandautawi MORI, wali a ki'ina dukki a matto. ¹⁴ NA MORI natambakumi, yemmi monno ngara anamu. ¹⁵ Na MORI nyako a pamaringimi, a rawige langita monno ponnu tana. ¹⁶ Langita nyabana langita 'dou-NA MORI, takka ponnu tana nayabawe barana ata pi'a. ¹⁷ Ata mate danna deikakiwa MORI, lakka nyako na ata a burru netti pandou a kamattaka. ¹⁸ Takka, itto ta deikawa MORI, wali hinna ne'e dukki monno mori wali- mori wali. Deikawa MORI!