1 Deikawa MORI! Weila deta barana MORI orona NA duwa! Orona, kasih-NA na kekalwe! 2 Garrawi a tekkiwe kuasa-NA MORI, atau a parengnge-NA ngara weila deta-NA? 3 Na maringina a peliharawe keadilan a rawige ne a tena ne ngara paparawida. 4 Loloaga, o MORI, perkenanan dana-MU barana ata papanunga-MU, tilikaga waina keselamatan-MU, 5 ngga'i kaku etawe duwana ngara ata papede-MU, ngga'i kaku weila deta barana weila detada ata-MU, monno bermegah pangngu ahli waris-MU. 6 Ma berdosa bana ina-ama kawedama, ma sala bana, ma rawi bage a fasik. 7 Ina-ama kawedama, ba ne'idi Mesir, da pande kige ngara parawi-MU a ajaib, da lolokiwe luwana kasih setia-MU, takka a memberontaka ne uppu bonnu, bonnu Teberau. 8 Tetakka, NA paselamatadi waina ngara-NA, nyaka pande-NA kuasa-NA. 9 NA kecamwi bonnu Rara, monno ne bonnu na marokkotawe, NA paretawi bapalge ne samudra, ekakowa bapalaliwe mareda kikapa. 10 Nyaka, NA paselamatawi wali limma ata a buttudi ate, monno na tebusai wali limma detana gobbada. 11 We'e na todiwi ngara bobbada, da'i pongnguki iya ata a engana. 12 Bage, a waina ne li'i-NA, a bermazmura bara-NA. 13 Takka, a ngetta pongnguge ba bullana nagar papawilli-NA, da rema kinna ngara li'i papanunga-NA. 14 Tetakka, a kuasaidi pabei ateda ne mareda kikapa, monno a nungngawa ALLAH ne gurun. 15 NA yadawe padengngida, takka napangindi dawe kareko ne tilluda. 16 Ba ne'idi perkemahan, a cemburu barana Musa, monno Harun, ata kudus MORI. 17 Ponnu tana namangangawe bana kaballowi Datan, monno na todiwe pakuwana Abiram. 18 Api membara ne pakuwa wa'ida, wegara api na tunnuwi ata fasik. 19 A rawi na iya ana lembu ne Horeb, monno a kawodo barana kasala tou tuangan. 20 A paseluge kemuliaanda, waina iya lembu a ngga'a ruta. 21 A bullawi ALLAH, a paselamatawi, a rawigea a kaladana ne Mesir, 22 Keajaiban ne wanno Ham, monno ngara parawida a dahsyat ne bonnu Rara. 23 Nyaka, NA tekkida bana beige powarai, badanyako Musa, ata papede-NA, a dede ne aro-NA bana keddewe pelanggaranda kanna pabatalage murka-NA, bana possakawi. 24 Bage, a kanissikawe ne negeri pabeida, da waikina ne li'i-NA. 25 A kabumbuka ne kemaha danada, monno da taatki bara li'i-NA MORI. 26 Nyaka, NA keketa limma-NA ponnuda, ba-NA pawarrakaku neti mareda kikapa dana, 27 monno narawidi haida ngara keturunanna bawarraka netti barada bangsa, monno nasobbarai netti ngara negeri. 28 Bage, a kette wekkina barana Baal-Peor, monno a ngga'adi ngara kurban a tuba mate. 29 A rawige pabani waina MORI bara ngara parawida, nya ne tulah kanna lolo barada. 30 Bage, na dede Pinehas monno bana dede lara tilluna, bage ne tula nangauwe. 31 Ne a perhitungkada bana duwawe, wali generasi dukki generasi mori wali-mori wali. 32 A pagusara-NA ate-NA ne barana we'e Meriba, monno nakadandaka Musa orda. 33 Orona, a memberontak ateda, nyakanna panewege ne da tuba. 34 Da powwaraki ngara bangsa, hinna kaina pareta-NA MORI barada, 35 takka a makubbara barada bangsa, monno a belajarada ngara parawida. 36 A mengabdi barada ngara marapu, batuddana irra barada. 37 A marakadi ana kabanida monno ana minneda, barana dewa bokala, 38 a pamalegada ra'ana ata da mangngu salana, ra'a ana kabani monno ana minneda, papamaraka barada marapu Kanaan, nya ne wanno kanna cemarwe orona ra'a. 39 Nyawe, a najisa orona ngara parawida, monno a berzina orona parawida. 40 Nyaka, murka MORI na keddewe barada ata papanunga-NA, monno na buttu atedi ahli waris-NA. 41 NA yadadi barada ngara bangsa, monno ngara ata a buttu atedi a kapala barada. 42 Gobbada a tindasai, nyaka runu ne kuasa danada. 43 Na pando-pando bana pasilliwi, takka enga memberontak podda waina ngara kambu ate douda, monno a tadanena ne sala dana douda. 44 Takka, NA etada kesesakanda, ba-NA rengngeda kawulada. 45 NA lolowe aura-NA barada, monno na menyesal orona kasih setia-NA a allu luwana. 46 NA raidi ba kole paluwana manawara , wali ngara ata a tawanai. 47 Paselamatama, o MORI, ALLAH ma, monno pakuwama wali ngara bangsa, ngga'i kamma weila gowe ngara-MU a mbiya, monno bermegah bara kepujian-MU. 48 NA pamaringiwi MORI, ALLAH Israel, mori wali-mori wali dukki mori wali- mori wali. Ngga'i ngara kabissu ata kahiddage, "Amin." Deika-WA MORI!