¹ Bara-MU, o MORI, ku elletawe perlindungan bara-MU, du ngga'i kangga bapamakkewaga. ² Ne benar dana-MU, pasilliaga monno paluputaga, patidiwi katillu-MU baragu monno paselamataga. ³ Jadilah lete perlindungangu, barana ka ammi patirriga, WO'U a yawe perintah kapaselamataga, orona WO'U lete togogu monno bentenggu ⁴ Pasilliaga, o ALLAH, wali limma deta ata fasik, wali cengkeraman ata lalim monno ata kejam. ⁵ Orona, WO'U harapangu, o MORI ALLAH, payakingu wali baku mbo'upo. ⁶ Bara-MU baku sande wali ba engapoga bati'aga. WO'U a palousowaga wali ti'a danana inagu, weila detagu patirri bara-MU. ⁷ Youwa mujizatwaga barada ata mangeda, takka WO'U pandou perlindungan a kokoh. ⁸ Ngadagu nabonnuge weila deta bara-MU, monno kemuliaan-MU loddo mangeda-ngeda. ⁹ Du lettokaga ne baku kaweda bako, du ngga'i kangga bana muwa bakoge pawessigu. ¹⁰ Orona, gobbagu a tekkiaga, hidda a elletaga lolo ngaugu a maworo dobabana. ¹¹ Hiddage, " Na ngga'i bai ALLAH. Wola monno woppawa orona da'iki a paselamatawa." ¹² O ALLAH, du marro kanna wali baragu! O ALLAHgu, ngettana butuluga! ¹³ Hidda a pandouga a pamakke bawi monno a dekka wa'i, kiranya hidda a beiga celakagu a ponnuwi cela monno aib. ¹⁴ Takka, youwa ku menne lologu monno ku tambawe weila bara-MU. ¹⁵ Ngadagu natekkiwe keadilan-MU monno selamata-MU loddo mangeda-ngeda, orona dakku pande kinddi ba pirra kowa. ¹⁶ Ammiga waina pawessina MORI ALLAH, nepa lologu nyakido keadilan-MU. ¹⁷ O ALLAH, MU panungabaga wali baku bo'uwaga, dukki hinna ne'e ku tekkigudi ngara parawi-MU a ajaib. ¹⁸ Lakka, dukki baku kaweda monno luwana loge kaka, o ALLAH, du ngga'ikangga, dukki baku tekkiwe kuasa-MU barada ne generasi, pawessi-MU barada hidda a kungngu pamai. ¹⁹ Keadilan-MU, o ALLAH, ne pandou a madeta. WO'U MU rawi bage a kalada, o ALLAH, garra a hinna kaina WO'U? ²⁰ WO'U a patutuga baragu susa a luwana monno bokala, napatoleka baliga, keketaga wali samudera ponnu tana. ²¹ MU paluwaga kaladagu, monno madikkira bahiburaga. ²² Youwa kubeige baku weila deta-WU waina kecapi orona kesetiaan-MU, o ALLAHgu, ku dodowi pujian bara-MU waina lira, o Mahakudus Israel ²³ Rowiwigu ku weila deta-WU baku dodokoge dodo pujian bara-MU, hinna kaina dewagu patebus bamo. ²⁴ Lommagu natekkiwe keadilan-MU loddo mangeda-ngeda, orona hidda a beina pacelakawaga hidda douna makke monno tersipu-sipu.