1 Barana ata pareta dodo: Mazmur Daud, O ALLAH, pa tolekaga, o MORI, ngettana tuluga! 2 Ngga'i ngara ata a kalelega ngaugu a makke monno podi-podiwi, ngga'i kundi a wali orodi ba monno a pamakkewi, a beiga celakagu. 3 Ngga'i kanna wali baliko oro makke, hiddage, "utuba, utuba." 4 Ngga'i koge ngara ata a elleta-WU a waina weila deta monno a senang ne dana-MU, Ngga'i koge kamanawara-GO toleka-MU pakita-kita hiddage, "ALLAH na kalada!" 5 Takka, ne youwa ku sengsara monno melarataga, ngettana baragu, o ALLAH! WO'U kinna a tuluga monno a paselamataga, o MORI, du tundakawe