1 Barada a pareta dodo: Waina alat musik papetik. Mazmu. Dodo. Na ALLAH nyako a manawarada monno napamaringiada, na wegarako ponnuda, (Sela) 2 ngga'i kapandego lara-MU ne ponnu tana, selamata-MU ne ponnuda ngara ata. 3 Na ngara ata a weila deta bara-MU, o ALLAH! Ngga'i ngara ata ka weila deta bara-MU. 4 Ngga'i ngara ata a senang monno weila deta, orona WO'U a hakikiwe ngara ata waina adil, monno menuntun ngara kabissu ata a ne'ina ponnu tana. Sela 5 Ngara kabissu ata a weila deta bara-MU, o ALLAH! Ngga'i ngara kabissu ata kaweila deta-WU. 6 Ponnu tana na yabawe inana, na ALLAH nyako, ALLAHma, napamaringima. 7 Na ALLAH napamaringi konda, ngga'i ne ngara uppu ponnu tana a mandauta bara-NA.