¹ Barada a pareta dodo: Waina dodo "Du pamatekawi." Miktam Daud Saul bana pangindiwi ata ba awasana ummana kapamatewa. Pasilliaga wali ngara gobbagu, o ALLAHgu, ta'iga ne pandou a madeta wali hidda a keddega. ² Pasilliaga wali ngara hidda a bokala, monno paselamataga wali ngara hidda pamalega ra'a. ³ Orona tetakka, hidda a kapadaga lolo ngaugu, ngara ata a kabola a keddega, padahal da'iki pelanggaran atau dosa baragu, o MORI. ⁴ Orona, da'iki sala baragu, a malle monno a dede. Kedde, tabbokawaga monno etawe! ⁵ WO'U, o MORI, Balatentara ALLAH, ALLAH ata Israel! Keddewu monno hukumai ngara ata. Du manawarakadi barada ngara ata bokala a mapodeta. Sela ⁶ A wali bana geddege, a kaaula ekakowa bongga monno a woletage kota. ⁷ Tetakka, a burri waige ngadada, waina keto ne ngada detada, orona hiddage, "Garra a rengnge?" ⁸ Tetakka, WO'U, o MORI, MU maditawi, MU ejekawi ngara bangsa. ⁹ O pawessigu, bara-MU ku majagawaga, orona ALLAH nya pandou perlindungangu a madeta. ¹⁰ ALLAHgu, ne kasih setia dana-MU, katabbokaga, ALLAH na ngga'iga baku patu'udi ngara gobbagu. ¹¹ Du pamate kawi, kada bulla kangge, raidi ba sempoyongan waina kuasa-MU, ngindiwi ka burru, o MORI, perisaima, ¹² orona dosa ngadada monno ngara patekkida lommada. Ngga'i kundi ka tawanwa madeta ate dana, orona kutuk monno kawossoka patekkida. ¹³ Pabawi murka dana-MU. Pabawi dukki kada'ikandi, kapandege ba WO'U a pareta ne ponnuna Yakub dukki ne bana bawe ponnu tana. Sela ¹⁴ Bana geddege ammidi a bali, a kawula ekakowa bongga monno nawoletage wanno. ¹⁵ A mengembara ba nga'a, monno a taddona bada bekutako. ¹⁶ Tetakka, enga dodogo pawessi-MU. Kuweila detago kasih setia-MU ne kabu gedde. Orona, WO'U kota bentenggu, monno pandou a madeta ne kesesakangu. ¹⁷ O pawessigu, bara-MU ku dodo, orona, WO;U pandou perlindungan a madeta, kasih setiagu.