¹ Barada a pareta dodo: Wali anana Korah deku Alamot. Iya dodo. ALLAH nya pandou perlindungan monno pawessida. NYA takka pongu bana perlindungan ne susa danada. ² Nyaka, data mandauta kana lakka na eka kowe ponnu tana, monno ngara letena a goddoka dukki pu'una bonnu, ³ we'ena na ribut monno na bonnuge buih, ngara letena na goddo kawe waina gelorana. Sela ⁴ Ne'e wa'i na iya loko a kokora baraige wanno ALLAH bana weila deta, padou dangngi wa'ina ALLAH Yang Mahatinggi. ⁵ ALLAH wa'i ne tilluna, dana goddo kaki, ALLAH nya tulu ne manarri mewa. ⁶ Bangsa geram, kerajaan na goddo kawe. Naparengege li'i-NA, ne ponnu tana meleleh. ⁷ MORI Tokko bala tentara papalolo dengada, ALLAH Yakub nya kota bentengda. Sela ⁸ Ammigu, eta papawillina MORI, a ta'ige ne a malekkata ne ponnu tana. ⁹ NA pangauwe ne patauna dukki kadukka ponnu tana. NA paremukwa busur monno napatawe numbu. Na tunnuwi ngara kereta waina api. ¹⁰ "Kadanna monno ku pandege ba YOUWA dona ALLAH, a pamadeta-GA ne ponnu ngara bangsa, a pamadetaga ne ponnu tana." ¹¹ MORI Tokko bala tentara barada: ALLAH Yakub nya wanno bentengda. Sela