1 Bara a pareta dodo: Dekuge nada"Bunga bakung" wali ana Korah. Iya dodo manawara. Ategu na bonnuge patekki a duwa, ku patutuge syairgu barana Tokko. Lommagu ekakowa ata pande matulisa a rammi. 2 WO'U a allu kabolana ne barana ana ata. Kasih karunia a wali rowiwimu, orona ALLAH nya a pamaringigu mori wali-mori wali. 3 Sandangwe katopo ne kombu detamu, o pahlawan, keagungan kemuliaan danamu. 4 Kemuliaan danamu, kalete waina kuasa, perkara a tena, paradaka atena, monno keadilan! Limma kawana-MU nyako a panungaga kedahsyatan. 5 Ana panamu a matamilla a tembusa puda gobbana tokko; ngara ata a warraka ne kabu wa'imu. 6 Takhta-MU, o ALLAH, kekal mori wali-mori wali. Tokko kerajaan-MU nya tokko a tena. 7 MU manawarage a tena monno buttu atege kefasikan. Nyaka, ALLAH, ALLAHmu, na urapi bawu waina minyak pabei, na allu wali bara olemu. 8 Ngara kalambemu nabou mur, gaharu, monno cendana, wali istana gading marengngewe petikan kecapi nyaku bersukacitawu. 9 Ana minnena tokko a wai'na barada ngara permaisurimu a terhormat, ne tuba kawanamu dede permaisuri waina omma rara wali Ofir. 10 Rengngewe, hai mawinne, eta monno paturru katillumu. Bullawi kabissu bangsamu monno ummana amamu. 11 Monno, tokko na beige kabolamu, orona nya maorimu! Kawodowu barana! 12 Putri Tirus ammi waina persembahan. Ngara ata a mangnguna ne ngara kabissu a elletawe pabeidengamudi ne aromu. 13 Ana mawinnena tokko bonnuna kemuliaan, kalambena a wana waina omma rara. 14 Waina aneka sulaman, a ngindiwa barana tokko, ana minne, hidda olena a dekuwi, a ngindigu baramu. 15 A waiwi weila monno deta ne batama istana tokko. 16 Kanna deluwa amamu ba anamu. WO'U a paretawi ngara kuwa ata pareta ponnu tana. 17 KU lologowe ngara-MU ne ngara kuwa generasi, ka weila deta ngara ata baramu mori wali-mori wali.