¹ Dodo Daud kalolowaiye. O MORI,du teguraka wain murka-MU, monno du hukum kangga waina bani-MU. ² Orona, panah-MU na dakurabaga, monno limmamu na tennekaga. ³ Da'iki a duwa kana'a danagu orona bani-MU, monno da'iki a sehata ruwi danagu orona bokalagu. ⁴ Orona salagu na wenna katowa detagu, olena beban a boto, a allu boto baragu. ⁵ Haida manu'agu a mbou monno a bonnuna nanaka, orona dapandegu. ⁶ Ku kawodo monno ku runu, loddo mangeda-ngeda ku kawo berkabung. ⁷ Orona, kombugu bonnuna malaga api, monno da'iki a sehata kana'a danagi. ⁸ Ku lema bana monno ku remuk, ku malelika orona ngi'ona ategu. ⁹ O MORI, ngara kuwa rindugu wa'ige aro-MU, monno ngara ngara karodduka ategu da'iki a kabunni wali bara-MU. ¹⁰ Ategu na kadandaka, pawessigu nakakoba, monno mangewala matagu da'i bana. ¹¹ Ngara ata pamanawaragu monno ngara olegu a dede douna wali karoddukagu, monno ngara ata baragu a dede pamarrona. ¹² Hidda a elleta pongnguga lolo ngau gu a ta'iga irra, hidda a beige ne celakagu, a tekkiwe kehancuran, loddo mangeda-ngeda a raige ne a mapodeta. ¹³ Takka, youwa ku patuddana ata katillu, dakku rengngeki, hinnana ata kabongnga da pande wukke ngadana. ¹⁴ Youwa ku patuddana ata da rengnge, ne ngadana da pandege bantahan. ¹⁵ Orona, youwa ku menne-GU, o MORI, MU walega, o MORI, ALLAHgu. ¹⁶ Orona, lungguge, "Du ngga'i kandi baweila deta ponugu, a keketa wekkina bagobba, haida wa'igu bakadandaka." ¹⁷ Orona, ku siap bana baku gogola, monno ne susagu ne'ige aro-MU. ¹⁸ Orona, ku tekki bawe salagu, ku gelisaga orona ngara salagu. ¹⁹ Tetakka, ngara gobbagu a luwana monno a pawessi, monno ngara ata a buttuga atega naluwage mapodeta. ²⁰ Monno hidda a balasa bokala ne duwa, a gobbaga, orona youwa ku dekuge a duwa. ²¹ Du dundakaga, o MORI. O ALLAHgu, du marro kanna wali baragu. ²² Ngettana bu tuluga, o MORI, a selamataga.