¹ Daud. Bara-MU, o MORI, ku kawula. Lete togogu, du katillu kanna baragu. Orona, MU kanawako baragu, ku sama dengawi haida ata burru rate dana. ² Rengngega li'i dengngigu, ku kawula ko dengngi tulu bara-MU, ku keketakowa limmagu ne koro Maha Kudus-MU. ³ Du tengngikaga barada ata fasik, barada ata a bokala, a panewe duwa barana ole atana, takka ne atena na bokalawe. ⁴ Yawi barada hinna kaiye parawida a bokala. Yada barada hinna kaina parawida limmada. Balasawi a hinna kaina. ⁵ Orona, dapa akakige pawilina MORI, atau parawi limma -NA, napa radakawi monno danna rawi balikige. ⁶ A pamaringiwa MORI, orona NA rengngenandi li'i madengngigu. ⁷ MORI nya pawessigu monno perisaigu. Ku waiwi-NYA ne ate danagu, natuluga, nyabawe ne ategu kanna weila detawe, ku beige papennena syukur bara-NA. ⁸ MORI nyabana pawessina umat-NA, NYA benteng keselamatan tubada haida paurapi-NA. ⁹ Paselamatawi umat-MU; monno pamaringiwi dou pusaka-MU; Gembalakanwi monno ngindiwi mori wali-mori wali.