¹ Dodona Daud. MORI nya mangewalagu monno selamatagu, garrawi pamadautagu? MORI nya padou perlindungan ne tolekagu, garrawi pakadandakagu? ² Ba ammidi ngara ata bokala badekkaga wekkigu, gobbagu monno ngara ata dabeiga, hidda bana a katundura monno gogola. ³ Lakka pasukan bakoro bagobbaga, danna mandautake ategu. Lauka patauna a kedde bagobbaga, takka youwa tetap ku waige. ⁴ Iyage padengngigu barana MORI, ne pabei pongugu: dangngi ne ummana MORIne loddo tolekagu; ngga'i kaku etawe duwana MORI, monno ku elletawa ne umma-NA. ⁵ Orona, ne bana kedde bokala, napakabunniga ne pondok dana-NA; napakabunniga ne padou a kabunni ne kemah-NA, NA keketaga ne ponnu lete togona. ⁶ Monno hinna ne'e, katouwaga namakeketa ne ponnuda ngara gobba ne baragu, monno youwa kupersembahkan kurban ne umma-NA waina weila deta. Ku dodo monno bermazmur barana MORI. ⁷ Rengngewe, o MORI, baku kadengngagu waina li'igu, manawaraga monno waleaga. ⁸ "Elletaga mata-GU", hinna ategu bara-MU, "Ku elletago mata-MU, o MORI." ⁹ Dupakabunni kaga mata-MU wali baragu. Du erukana wali na ata-MU waina murka, o, WO'U a tulwaga. Dupasia-siakangga monno du ngga'i kangga, o ALLAH a Patolekaga! ¹⁰ Lakka haidaama monno innagu a dundakangga, takka MORI na deibawaga. ¹¹ Patutugai lara-MU, o MORI, patutugai lara a lurruta a rata orona ngara gobbagu. ¹² Du yakaga lolo ngaugu barada ngara goobagu, orona ngara saksi a mapodeta a kedde bagobbaga, monno hidda lolo ngauge kekejaman. ¹³ Danyako, ku waige ku etawemduwana MORI, ne tana at a toleka. ¹⁴ Remawi MORI! Pawessiwu monno pawessige ate awaimu! Remawi MORI.