¹ Appadawe haida bangsa kakacauwa, monno appawe haida rakyat kakambuge ne a sia-sia? ² Tokko ponnu tana a dedewe padou madi'i wa'ida, ata pareta a wyatage, bagobbawi MORI, monno na paurapina, hinnage, ³ "Maida kata ratage ngara belengguda, monno takapettidi kalerreda wali barada!" ⁴ NYA, a mandi'i ne surga dana, namadita. MORI natedekawi. ⁵ Bage, NA panewe barada ne bani dana-NA, monno napakarobadi ne bani dana-NA, hinna-GE, ⁶ "YOUWA KU urapibawa tokko-GU ne Sion, lete-GU a mbi'ya." ⁷ Kaku tekki mingge pawyatana MORI: Hinna-GE baragu, "Wo'u ana-GU. Ne loddo, KU paanabagu. ⁸ Dengngiaga bara-GU, monno KU yagudi bangsa baramu kuwarisadi. Monno, ngara kawuna ponnu tana doumudi. Mu possakawi waidi tokko bei. ⁹ Musaikaradi hinna kain bejana tukang wirro!" ¹⁰ Bahinna ne, hai ngara tokko, bijaksanami, hai ngara a paretawe ponnu tana, radakami barana ajaran. ¹¹ Layanawi MORI waina madauta monno weila detami waige kadandaka. ¹² Dekkiwa na Lakawa, atau na MORI na bani monno yemmi mimoddami lara dana. Orona, ne bani-NA nangettage bana wegarawe. Napamaringi ngara ata a elleta perlindungan ne dana-NA.