¹ Anagu, mba yo'uko andou tagudi olle atamu, monno mupaworo dengadi ata wadeka, ² Mbu kasala paneweko, mba terrekugudi pata panewemu. ³ raige ne anagu, pasilli wekkina wali nee limmadana na olle atamu, kakowu, rukadi kundomu barrana monno ruppuwi na olle atamu. ⁴ Ndu palokokadi mba dura watu matamu monno mba bottona matamu. ⁵ Pasilli wekkina ahinna na kijang wali barrada ata akalolawa, ahinna na keila wali barrana ata akalola keila. ⁶ Co..ata mauwo, kakowu barrana kamauta pawerra nawe patana monno ku manibba. ⁷ Lakka da'iku kapalada monno a aturawi, ⁸ Na bondalawi rotina ne mbana meretanage, monno na pakuadi panga'ana ne mba wulla panga'awe. ⁹ Co.. ata mauwo, pirra capowe mado'ina mbu beikawu, pirrako mbu kedde wali duramu? ¹⁰ "Dura yodicaki, dura pi'awi mata yodicaki, leppitawi limma yodicaki mbaka ndura pi'a." ¹¹ Nyaka bahinnawe enga ammige milla dengo barramu pagaina ata kedu, monno ne nda tutu enga nyawe pakollemu. ¹² Daibana pamenne wa'iwa na ata a'malobe rowina, ¹³ A'kapaddekadi matana, a koddokawi wa'ina monno a ndodoka waina wolla limmana, ¹⁴ Na pawillige mapodeta ate dana'na, napangeddage a'diraka monno nangindiwe kangammuka. ¹⁵ Ne nyawe mba ndekuwi kebinasaan ndappa pande denga, sadeka kina mba pubbukawa, lapata dappa bisa bana mba paduwa mbaliwa. ¹⁶ A' ennedi pakamukana MYORI, lapata a'pittudi perkara apakaroddukanawe ate'Na: ¹⁷ Mata a'lawore, lomma a'mapodeta, monno limma apamate ata ndamangu salana, ¹⁸ Ne ate apangeddana ngara a'diraka, wa'i angetana mba sangga nee nda duwa, ¹⁹ Na iya ata mapodeta apadukkina panewe kawossoka, monno araige ne pataudenga'da hidda apaolle dadi'na. ²⁰ Co...anagu, karawawe ne paretana ama'mu, monno ndu palokokage ne panungana inna'mu. ²¹ Mbondala paduwawi ate danamu, monno terudi mbukku detamu. ²² Enga ndadara nagu ne mbu kako, monno enga ndukki nagu ne mbu beika, lapata enga tuwanagu ne mbu kedde. ²³ Orona ne pareta nyawe pelita, monno ne panungnga nyawe mangewala, monno ne papanungadagu na arowe patoleka denga, ²⁴ A'karawawu wali barrada mawinne nda nduwa, mawinne a'malou lommana. ²⁵ Ndu beikawi atedanamu orona mbana kabola, ndu ngade dengakawi oroda wullu matana. ²⁶ Orona barrana na mawinne nda nduwa ne roti a'kalibbika nalouka mbendingage, takka na mawinne'da ata waddeka akalolawe ne toleka. ²⁷ Na bisakadona na iya ata mbana ta'ige api kalambe dana'na monno mba dana muttuge kalambe'na? ²⁸ Ato, nabisakana na iya ata mbana kako mala'a dana mbaka kadana karrana wa'ina? ²⁹ A'hinna kaina ata abeika olenawi mawinnena olle atana, da'i ponguki iya ata a'todowa mba kadana wenna pendi. ³⁰ Na ata kedu enga kanissika dawi, orona ne mbana kedu atubawe ne i'na ti'ana mbana kareba, ³¹ Takka mba woppa wa'i kowa enga bayarana pittu wunda'na, enga ysnadi ngara doka i' ummana. ³² Garra kuwi araige ne akawirra da'iki i'na katowana, na ata ahinna wa'ina dana pa'aka kige touna. ³³ Ne kanissika nyabawe pakollena, monno ndana muakige ne makkena. ³⁴ Orona ne cemburu nyawe pabuttu ate dengana kabani, dana pandekina pamanowara denga bana dukki kowe rapana. ³⁵ Dana nauki bana neibawi pakouka waimu langaka pirra ponguwa pa' yamu.