¹ Ata pi'a apangeddage monno a'kambuge ate dana'da, takka pawalena lomma wali ammi nawe barra'na Mola Marawi. ² Ngarra lara'na iya ata-iya ata na'duwa nee pangedda douna, takka na Mola Marawi Na' nungngawe ate. ³ Yanadi ngarra kuwa parawimu barrana Mola Marawi, nyaka enga kollemudi ngarra kuwa pakambu atemu. ⁴ Na Mola Marawi Na'raidi ngara kuwa'na wa'ige tuba dou'da, lapata na ata fasika na tubawe loddo pamate denga. ⁵ Na ata apanewe mbodo nyabana a'allu bottu barrana Mola Marawi, hina takkawe, dana maga'iki wali hukuman. ⁶ Orona manowara monno KESETIAAN, a'taudadi ngara sala'da, monno orona madautawi na MORI na iya ata na'ndundakage ne pata adiraka. ⁷ Nyaka na larada ata mbana manotoko barrana MYORI, lapata mu'na Narawidi bapaduwa wekki balina. ⁸ Na nduapowe ba yodikawi bata kollege nadekuge na lara a'bia, daripada pakolle aluana takka dana li'ke lara a'bia. ⁹ Ne ate dana na ata pi'a napangeddawi larana, takka na MYORI Nyadona apatutunawi pagana. ¹⁰ Ne Lii pawyata wali barrana Allah nee ngge rowi detana tokko, ne ngadana dana salake bana pakakowe Lii pareta'Na. ¹¹ Na kilo ahinna takkana ndou nawi MYORI; Ngara kuwa watu kilo nee kaleku dana nyawi papawilli-Na. ¹² Nyawe pabottu denga nawe barada ngara tokko barawikoge ne a'diraka, oronawe ne padou madii namenderawe walinawe ne pata a'bia. ¹³ Ne rowi a'bia namanandige ate dana tokko, monno na manowarawi na ata apanewe ngge ne ahinna takkana. ¹⁴ Ne buttu atena tokko napagaige ata papawede angindiwe papamatedenga, takka na ata maneilo napoddawe ne buttu atena tokko. ¹⁵ Ne matadetana tokko a'singira wa'ige patoleka denga, monno ne pabeiatena napagaige kasoba a'ngindiwa urra nee musim semi. ¹⁶ Naduwapo bata kollege ne maneilo manganne daripada doka, monno na kollege ne papande denga daripada omma kaka! ¹⁷ Na larana ata luruta na marroge ne adiraka. Takka hidda ata a'ndadara larana nakarawawe tolekana. ¹⁸ Padekki wekkina napaulluwe pamodda denga, monno na' amakeketa wekkina napaulluwe pawarraka denga'na. ¹⁹ Na duapowe paradaka wekkina atudda ata da tutu da genna tolekana,dari pada ba'bagiwi hidda barang paparewo wali barrada hidda ata apadeika wekkina. ²⁰ Ata apatingo wekkina hidda akolege ne amanadana, monno apaege atena ata awai mennewi MORI. ²¹ Ata amanakkata atena namawukkewe papangeddana, hidda panewena a'minnaka namatambahwi lii panungnga. ²² Akkala pandemu nya pukkena mbu douge, takkanyawe lii panungngana ata kabika nyadowe pakabikadenga. ²³ Atena ata pande namarawiwe ngada dana'na bana manganne, monno nama tambahwe pande rowidetana. ²⁴ Ne panewemu amanadana, na tuddawe wee kanena amagollona, namagolloge atemu monno morowi tubada ruwimu. ²⁵ Na lara paetada adua, takka nadukkiwe kadukkana pamodda dengawe. ²⁶ Atena ata apawilli napawillige tuba wekki douna, ne karebana aregawa ga'i kana pawilli. ²⁷ Ata damangu gunana nakodawawe ne abokala, hidda patekkina natudda api apatunnu pakarrana. ²⁸ Na ata da luruta napadukkina panewe paparikkadenga, monno ata apadippabana panewe napa pewawi olle dadina. ²⁹ Na ata a'kejam na laiko ollena, monno na kododi barra lara ndadua. ³⁰ Na ata akapaddekadi matana, na kambuge mapodeta, na ata a'todiwe ngadana, narawibage ne adiraka. ³¹ Ne Loge a'kakana nyadowe mahkota pakalada dewa denga, pakolle wa'i walina lara adua. ³² Na ata dangettana buttu ate na duacapo wali barrana ata apawessi, monno na ata akuasage tuba touna wali barrana ata akatakoge ne wanno. ³³ Tudda pa'aila ponu baba, takka ngarra pawata awali barrana MORI.