¹ Garra kugu abeige ne didikan, nabeikaige ne papande denga. Takka mba garra kugu nda deibawe ne mbapanungngawi nyabana ata kabokko watu langita. ² Na ata a'duwa na manoto arana MYORI, takka na ata mapodeta na wenna pendi. ³ Na ata daengakiwi bana dede dindara napaorowe ne parawina akawirra, takka na ata abenara dappa talukiwa. ⁴ Na mawinne apa'ate nyabana apa'akawi la'ina, takka ne pamakkedenga nyabana a'tukku nadi ruwi'na la'ina ⁵ Ne pakambu atena ata benara nyakidowe keadilan, takka na ata fasika napanangngawu. ⁶ Ne patekkina ata fasika na arowe matedana takka ne ngadana ata a'luruta ate'na na arowe mangewaladana. ⁷ Na ata fasika akombakawi lapata mbana modda, takka ne umma'da ata benara engage bana dedewe. ⁸ Ngarra ata adeikiwi adekuge ne pata parawida, takka na ata a'mapodeta enga kanissikadawi. ⁹ Na duwapowe mba ata millada, monno tapawillige tubana toudouda, daripada mbata pakalada wekkina takka da'iki pangaa'da. ¹⁰ Na ata a'benara namattaradi lolongauda ranga'na, takka ne milla atena ata fasika na arowe matedana. ¹¹ Mba garra kugu atauwi omana, enga luwada pangaa'mu, takka mba garra kugu awolawa na loko damangu weena da'iki koba katowwana. ¹² Na ata fasika nabeige ne irra'da ata mbokala, takka ne pangeddana ata benara napa'iwe. ¹³ Na ata kawirra na wenna douna irra napaorowe mbadana djagawe ngadana, takka na ata benara nakollena lara pa'li. ¹⁴ Iya ata-iya ata apabekuta waidi paduwadenga napaoro patekkina, monno hidda ata akollege tubana oro limmada. ¹⁵ Na larana ata kabokko na luruta barra pangeddana douna, takka ata amaneino namattaradi ngara nasihat. ¹⁶ Na ata kabokko napa oudamemage bani'na, takka na ata manibba dana rengekewe ne kanissika. ¹⁷ Mba garrakugu a'tekkiwe ne a'hinnatakkana, napadukkige ne keadilan, takka na ata apanewe awa napadukkina panewe mapodeta. ¹⁸ Wa'iwi ata a' wi'a ngadana ekakowa tama keto, takka ne panewena ata manibba napatukkena paduwadenga. ¹⁹ Ne ngada a'tekkiwe ahinna takkana enga engage nadukkiwe kadukkana, takka ne lomma amapodeta ukku kidowe. ²⁰ Ne pawilli mapodeta wa'ige ate dana'da ata apangeddage ne a'dirraka, takka hidda ata a'rengewe ne panunga a'kollege ne a'ndua. ²¹ Da'ikige pamadauta denga nee barrada ata benara, takka ne barrada ata fasika enga'ge ne pamilla denga. ²² Na ata abeige panewe mapodeta nyabana KEKEJIAN tubana MYORI, takka hidda ata rawige ne a'SETIA hidda pabei-Na. ²³ Na ata a'manailo na'burrige pande'na, takka na ata a'kabokko nakawadirage ne kabokko'na. ²⁴ Limma'da ata manunna hidda bana a'terrege ne Mboto, takka hidda ata a'manukkana hidda bana ata pawilli pakangarruka. ²⁵ Ne ate a'kadukkuka pa'dakke wekki denga'we, takka ne patekki a'duwa napawessi denga'ge. ²⁶ Na ata a'hina takana, na palolowi lara olle atana, takka na lara pa'lida ata fasika napa nangawi. ²⁷ Na ata a'manukka'na dana kollekiwi pakalolana, takka na ata a'manunna enga kollena pote a'pawelli. ²⁸ Wa'i ge toleka barra'na ne lara a'nduwa, monno da'ikige pamatedenga nee barra'na.