¹ Einimo tepamulaongnya teKareva sanu Mombosi niYesus Kristus, teUnga nu'Alata'ala. ² Sima netetulis eilalong nubuku niNabi Yesaya, te'Alata'ala nonjarita eisiKristus, " Po' inepea, Sia'u, te' Alata' ala, monuju tetopokareva'U mongaliurui Si 'oo sanu monyadiaa tetoo-too molaboti te' ajajaok Ni' oo. ³ Tetopokareva he'ua mongulara eitoo-too eitana sanu noodoy 'Pasadiaa tejalang nusiopu ni'ita ane po' ondolong tejalang sanu nolabati-Nya ! ' '' ⁴ .4 Sima he'ua, siYohanes teTOpombabtis najaok eitana sanu noodoy eiTana nu Yudea. Siia nokarevaa siira kanaboi matoba ane nobaptis antau te' Alata' ala mongampuni tedosa niira. ⁵ tetoo-too lamai jojoo teTana nuYudea ane jojoo tetoo nu Yerusalem najaok eisiYohanes antau mo 'inepea siia momaguru. Siira nongakui tedosa niira ei' Alata' ala ane binaptis niYohanes eiBangkalang nuYordan. ⁶ SiYohanes nepake tepakean sanu pinogutu lamai tevulu nu'unta ane tesulepenya te'uli. siia nenginang te' alipapaa ane temadu. ⁷ Siia nokarevaa eitoo-too, '' Umai s sotoo majaok touk sia'u. Tekuasa-Nya mooge, he'uapa sia'u. sia'u jio masipato mopoongko ane mombu'as teluit nusandal-Nya. ⁸ Teogo upake nombaptisi si'emiu, tapi te'Alus sanu Mapacing nopake-Nya mombaptisi si' emiu. ⁹ Watu he' ua najaok siYesus lamai teKota nuNasaret, eitana nuGalilea, uma' o eisiYohanes eiBangkalang nuYordan. Eiri' ua siia binaptis niYohanes. ¹⁰ Watu siYesus nesuvung lamai teogo, siia ne' ita telangit netebo'a. Te' Alus sanu Mapacing nenyau lamai tesuruga sima sambaang temerpati nesompo eisiia. . ¹¹ Lamai he'ua inepe tesuara nuSiopu Alata'ala lamai tesuruga nongulara, " Si' oo nopa'asanang teambokU.'' ¹² Touk siYesus binapis, te'Alus sanu Mapacing nongomung siYesus uma'o eitana sanu noodoy. ¹³ E'endenye apampulueleo siia umai eitana sanu noodoy ane tepuang nuseetan nonyo'arai siYesus mogutu tedosa. Umai eiri'ua tebinaatang -binaatang meila. Temalaekat-malaekat najaok nomiara siia. ¹⁴ Jio meende lamai he'ua, siYohanes teTopombaptis ira'op. Eiwatu he'ua, siYesus uma'o eiTna nuGalilea nokarevaa Tekareva sanu Mombosi nu'Alata'ala. ¹⁵ Einimo inulara'o-Nya, "Tewatunya naganamo ane tepomarenta nu'Alata'ala majaoko! Patobamo ane pomarcayamo eiKareva sanu Mombosi!" ^{16 17 18} V 16 Pepees siYesus nelampa eipipit nuBonto nuGalilea, inita-Nya rotoo tetopomuka, siSimon ane tetuainya si'Andreas pepees norampak tepuka eibonto. V 17 SiYesus nongular eisiira, "maemo, ponuuto Sia'u, Upa'ajari si'emiu tetopomuka numanusia!" V 18 Siira selengaan nolinjo'i tepokarajaaong niira momuka tebau, lamai he'ua, siira najari tetoponuut niYesus. ^{19 20} V Watu siira uma'o naavaro sede'i lamai ri'ua, inita niYesus siYakobus ane siYohanes, teunga-unga niSebedeus. Siira odu-odung eilalong nupayangan niira pepees nopo' ombosi tepuka niira. V 20 siYesus noleva siira majari temurit-murit-Nya. Touk he'ua siira nolinjo'imo siama niira ane tevotuang-votuang eipayangan ane nonuut siYesus. ^{21 22} V 21 Lamai he'ua siYesus ane temurit-murit-Nya najaok eiKota nuKapernaum. Eieleo pengondok nutoo-too nuYahudi siYesus nentama eilalong nupongganeneong nuYahudi , nompamulamo siia nomagurua tejarita nu' Alata'ala eitoo-too sanu eiri'ua. Tetoo-too he'ua neherang ne'eepe tepangajar-Nya, karna siia nomagurua siira sima teoo sanu umai te'ababarata sanu mooge, jio sima teguru-guru nuhukum nu'Alata'ala. ^{23 24 25 26} V 23 Watu siYesus ulengi eiri'ua, sotoo sanu pinentamai nu'alisanu majaat nentama eilalong numpongganeong nuYahudi ane neroroa, V 24 "Yesus tetoo nuNasaret, tesapa te'urusan Ni'oo eisi'ami? Si'oo najaok mopo'aropu si'ami? Uotoi sisee Si'oo, Si'oo tetoo sanu mapancing lamai teAlata'ala!" V 25 Tapi iYesus nonyingga te'alus sanu majaat he'ua, "poodoy! pesuvung lamai tetoo eini!" V 26 Lamai he'ua te'aluus sanu majaat he'ua nonggugura tetoo he'ua, ane oroa-roa moporos nolinjo'i tetoo he'ua. ^{27 28} V 27 Jojoo tetoo sanu umai eiri'ua neherang, siira nejajaritaong, "Tesapa eini? Eini tepangajar sanu vuou. Siia umai te'ababaraka! Watu siYesus nonuju te'alus sanu majaat, te'alus he'ua tututuu nonuruk eiSiia!" V 28 Nakarevaongo tekareva sima siYesus eijojoo tetoo eiTana nuGalilea. ^{29 30 31} V 29 SiYesus concoono siYakobus ane siYohanes nesuvung lamai tepongganeong nuYahudi he'ua ane uma'o eivonua niSimon ane ni'Andreas. V 30 Eiri'ua temeniang bengkel niSimon kinikoa'onya nopoduling eipo'oturuong. Selengan siira nongulara eiSiia, simeniang bengkel niSimon nepees. V 31 SiYesus nentama eilalong nukamarnya, diniitinya telimanya ane vinauna'o-Nya. Selengaan siia jiongo kinokoa'onya ane siia nonyadiaa te'aniong niira. ^{32 33 34} V 32 Ndoungnya, nalapas osondok nueleo, tetoo-too najaok nongomung jojoo tetoo sanu nepees, ane jojoo tetoo sanu pinentamai nu'alus sanu majaat. tetoo-too he'ua inomu eisiYesus, antau siia mope'eondok siira valii. V 33 Jojoo tetoo eikota he'ua neincong eitolo nubamba nuvonua he'ua. V 34 SiYesus nepe'eondok jojoo tetoo sanu nasesa nengangayaong tepees, ane nabari te'alus sanu majaat he'ua mongulara tesapa-sapa, karna siira mo'otoi siYesus he'ua teUnga ni'Alata'ala. ^{35 36 37} V 35 Sasambat totoo, siYesus nembaungo lamai tepo'oturuong, lamai he'ua siia nesuvung ane uma'o eitana sanu noodoy. Eiri'ua Siia nonggane eiSiopu Alata'ala. V 36 Jio neende lamai he'ua siSimon ane tetagu-tagunya nelolo siia. V 37 Watu jinaoko niira siYesus, siira nonjarita eiSiia, "jojoo tetoo nelolo si'oo!" ^{38 39} V 38 SiYesus nongulara eisiira, "si'ita kana uma'o eipomoiaong ntaninya, eikota-kota sanu me'o'osu'ong lamai eini, antau sia'u maala valii makarevaa teKarev sanu Mombosi eitoo-too sanu nomoia eiri'ua. he'ua tesabanya sia'u najaok." V 39 Lamai he'ua siYesus uma'o eijojoo teTana nuGalilea. Siia nokareva teKareva sanu Mombosi eipongganeong-pongganeong nuYahudi ane nombugo te'alus sanu majaat lamai tetoo-too. ^{40 41 42} V 40 sotoo sanu nopudung najaok eisiYesus, nopotu'u eitolo niYesus ane nomongi eiSiia, "Ane Si'oo seilu, Si'oo maala mope'eondok sia'u." V 41 Noondong teambok niYesus ne'ita tetoo he'ua. Siia nonggama tetoo he'ua ane nongular eisiia, "Sia'u silu mope'eondok si'oo. Peondoko!" V 42 Selengaan tepudung he'ua neondoko. ^{43 44} V 43 Lamai he'ua siYesus nonuju ane nontuuna eitoo he'ua, V 44 "Lambot, inyaa si'oo mongulara tesapa-sapa sima tesaba eini eitoo ntaninya. Tapi na'omo eiVonua ni'Alata'ala eiYerusalem popo'itaa te'alaemu ei'imam. Veena tepombee sanu pinarenta niMusa, karna si'oo seondoko. Tepombee he'ua tetanda eojojoo tetoo, si'oo neondoko." ⁴⁵ V 45 Tetoo he'ua uma'o ei'imam ane nombee tepombee, tapi jio boi nopoodoy, siia nesuvung ane nompamula nokarevaa eijojoo tetoo iama'o siia pine'eondok. Siia nokarevaa tekareva eijojoo tetoo eiTana nuGalilea, jaok siYesus jiongo maala mentama eikota ane totoo-too me'ita. SiYesus nomoia eiaangnya eitana sanu moodoy. Tapi tetoo-too najaok eiSiia lamai jojoo tepomoiaong.