Kawuku 46
1
Maka, Israel nangandi-hi ngara kehe padoy'na mo -no nahalakoka. Nggeni di-yo nadukika ela Bersyeba, diyo nawoy'ngoka marako tunu lambarana Maramba-ba pahambotona Ishako, bapana.
2
Ene huddona, Maramba Alla napaneghe-ngo lambarana Israel liya la mangganipinya, "Yakub, Yakub."
Israel nawalahoya, "We Mori."
3
Mengeka, Maramba Al-la wenaka, "Yay'doka Alla-mu, Alla bapamu. Amba ka -mbohi ba otunggu la Me-sir orona Yayo nawolonggu napakedenggu bangsa na bokolo.
4
Yayo enga otungga la Mesir naohu dandanggu, mono Yayo nangadi habali -nggu loho wali nyono. Ye-mi eme mate anyene, tapi limyana Yusuf mangawuyo nakapombo ngguni hama-tamu nggeni yoyo bumate.
Israel Halakoka ela Mesir
5
Yakub namandala nika Bersyeba mono napanga-lyolo nika a halakona ela Mesir. Ha anana Israel na ngandihi bapda, ha ariwei-ja, mono ngara ha anada hediyo otu la Mesir. Hediyo akalete kareta ene pawoy' na Firaun.
6
Hediyo wadi angangihi haharangada mono ngara hadoy'da pako -leda latana Kanaan. Yakub otu nika la Mesir dika nga-ra hawuy' wallana.
7
Ole-na diyo eni ngara ha ana mono ha ambuna, kabani lapa waricoyo. Ngara baka loledena otu marengeni.
Loledena Yakubpo
8
Iyiya ngarada ha anana Israel mono loledena ene na otuni la Mesir pamare-ngena:
Ruben didoka anana Yakub akaihana.
9
Ana kabanina Ruben didoka Henokh, Pa-lu, Hezron, mono Karmi,
10
Ana kabanina Simeon di-doka Yemuel, Yamin, Ohad, Yakhin, mono Zohar. Wadi eni Saul, nadadi wali wari-coyo Kanaan.
11
Ana kabanina Lewi di-doka Gerson, Kehat, mono Menari.
12
Ana kabanina Yehuda didoka Er, Onan, Syela, Pe-res, mono Zerah. Er mono Onan mate ene bahepandi-ka la Kanaan. Ana kabanina Peres didoka Hesron mono Hamul.
13
Ana kabanina Isakhar didoka Tola, Pua, Ayub, mono Simron.
14
A -na kabanina Zebulon dido-ka Sered, Elon, mono Yah-leel.
15
Ruben, Simon, Lewi, Yehuda, Isakhar, mono Ze-bulon didoka ha anana Ya-kub wali la Lea ariweinya. Lea napaanandi hediyo ela Padan-Aram. Diyo wadi eni ana minyena ngarana Dina. Tallu kambulu tallu toyo na paloledengo.
16
Ana kabanina Gad di-doka Zifyon, Hagi, Syuni, Ez -bon, Eri, Arodi, mono Areli.
17
Ana kabanina Asyer di -doka Yimna, Yiswa, Yiswi, Yiswi, Beria, mono lawinye-na hediyo Serah. Ewadini anana Beria didoka Heber mono Malkiel.
18
Hediyo ngara kehe ha anana Yakub wali la Zilpa, kaleku mborona pawoy'na Laban lambarana Lea, ana-na. Hakambulu nomoya e-ne napaloledengo.
19
Anana Yakub wali la Rahel, ariweinya, didoka Yu -suf mono Benyamin.
20
Ela Mesir, Yusuf endi ha duyo ana kabanina, Mena-sye mono Efraim. Ariwei-nya Yusuf didoka Asnat, a-nana Potifera, imama ela kota On.
21
Ana kabanina Benyamin didoka Bela, Be-kher, Asybel, Gera, Naa-man, Ehi, Rosy, Mupim, mo -no Ared.
22
Iyiya ana kabanina Ya-kub wali ariweinya Rahel. Hakambulu patoya napalo-ledengo.
23
Ana kabanina Dan di-doka Husim.
24
Ana kaba -nina Naftali didoka Yah-zeel, Guni, Yezer, mono Syi -lem.
25
Iyiya ana kabanina Ya-kub mono Bilha kaleku mborona pawoy'na Laban lambarana anana Rahel. Pitu toyo ela paloledengo.
26
Heja dangada wuy'wal -lana Yakub pamarengena ela Mesiro nomo kambulu nomo toyo. Ariweinya, ha a-nada,Yakub njaha baghe -ya nahenya dangada netu.
27
Hewadingo, Yusuf ma-nga duy'da ana kabanina la Mesir. Tama haduyo ambu-na iyiya, dangada dughu di -cona Yakub ela Mesir da-ngada pitu kambulu toyo ngara kehe.
Israel Dukika ela Mesir
28
Yakub napatumbanika Yehuda naulundi hediyo la tobokoya Yusuf, tanaka Yu-suf, napahini alara naaro-ngo la Gosen lambarana Ye -huda. Menge Yakub mono haloledena apatundungo e -la Gosen.
29
Yusuf nape-gheni ene bapana bana e-meni. Malawengo diyo na handiy'ka karetana mono naloho latobokoya Israel, bapana, ela Gosen. Inja he -kanaka Yusuf bana iceya bapana, diyo nandapoyaka kokona mono nahoyo la-nga takaka bamandeyo.
30
Maka, Israel wenaka lam -barana anana Yusuf, "He-nene yayo apa kumate nda -ha orona yayo baku iceya-ka rupa matamu mono ku peghe ngguka ene yoyo ba enga mopiro pamu.
31
Yusuf wenandi lamba-rada ha dungo kambuna mono ngara haloledena ha hawadekongo, "Yayo ene o-tu pangga latobokoya Fira-un mono wenandi, 'Ngara dungo kambunggu mono ngara baka loledena bapa-nggu naeni la Kanaano yiya a maiyo lambaranggu.
32
Hediyo hama toy' dagha-ghi naengana karagha mbe -mbe mono hapi. Hediyo a ngandihi ngara baka ha-doy'da hediyo hayida.
33
Nggeni Firaun bana ka -wulonggumi mono bana kaliaro nggumi, 'Payaka pa-paghilimu yemi?'
34
Takki bananika lambarana, 'Ha a-tamu iyiya toy' dagha hara- nga ghama walingo bama bayo lapa henene, walingo yama hewyadingo ha am-bu-nuhima yama.' Maka, Fi -raun tanna awoy'nggumi dialo ela tana Gosen orona -ka ngara toy' Mesir njana mbengo paghilingo toda-gha haranga."