¹ Kaboko didoyaka nahe-ka takndikuna wali la ngara haranga utta lamarada ene papadadina MYORI Alla. Wenaka lambarana warico-yo netu, "Notongo Maram-ba Alla wena, 'Ambi damo-ka yemi bumyuy'ni wali pu-ngena ngarabaka yila kali-gho iyiya,' inja henya?" ² Wena awaricoyo netu la kaboko, "Yama dika mama muyo wali wuy'da hapunge ghayo yila kaligho, ³ tappi yama inja muy'ndi wali la wuy'na punge ghayo ela pa-duy'na kaligho netu; atondo pangu wadiya njado, ndewe-na yemi eme myateka."' ⁴ Tapi dimoka, akaboko ne-tu wena lambarana waricoyo netu, "Yemi inja mate wali, ⁵ torana Allanapegheni, he-byangoka yemi muy'ni wuy'-na walipunge ghayo netu, a matamu eme namabunggero -ka mono yemi eme meraka Alla; peghenika tutuna nanda -ha mono nambunako!" ⁶ Menge waricoyo netu naha-mataroni nggeni netu punge ghayo netu namanga wuy'na ndaha ene bamuy'ni, nama-rere ba hamataroni, mono na mamanggungoka torana na mghegheroka ba hatoya ba-na manggana; diyo wadi na pupu yaka awuy'na wali pu-nge ghayo netu mono namu-y'nika. Diyo nawoy'nika wuy'-na netu lambarana laghina wadi namuy'nika wuy'na netu. ⁷ Maka, namabunggeroka hamatada hatoy' duyo mono hedyo apeghe nika nggeni hediyo bakaloloda. Malla, he-diyo adekeka roghayo netu, mono akapombo wuy'da pa paliy' ngawuda. ⁸ Mengeka maka arongoyaka aliy'nya Ma -ramba Alla natengero hala-kona lakaligho dalo, etu pa-ngo aloddo namaghenggalo, maka toy'piyo mono ariwey'-nya netu akambuni hika hedi -yo wali MYORI Alla ela ndo-ngada hapunge ghayo ela ka -ligho. ⁹ Malla wengo, MYORI Alla nakawulondika atoy'piyo ne-tu mono wena, "Nggeka pa-ndoy'mi yoyo?" ¹⁰ Nawalaho toy'piyo netu, "Yayo kurongoyaka baku ro-ngoghu Yoyo batengero hala-komu lakaligho dalo, mono yayo kukambohika orona ya-yo kukalolonggu, didoyaka pakambuni wnggu." ¹¹ Wena Maramba Alla lam -barana toy'piyo netu, "Ngga-ranika natakinggu yoyo bu-kalolona? Pena yoyo muy'ni-ka wali lapungena ghayo lam -barami pawoy'-Nggu liy'katu -tu liy' kataddi tanna ambi muy'ni netu?" ¹² Wena toy'piyo netu, "Wa -ricoyo ene Yoyo pawoy'mu naolengga netu, nawoy'ngga -ni awuy'na wali pungena ghayo netu, didoka yayo ba-ku muy'ni." ¹³ Mengeka, MYORI Alla na kaliro nika netu, "Payaka ene pawolo rawimu?" Diyo nawalahoya, "Kaboko na netu natipugha, malawe-ngo yayo kumuy'nika awuy'-na netu." ¹⁴ Maka, liy'nya MYORI Alla ela kaboka netu, "Oronaka yoyo buwolorawi nika iyiya, bollo-harra bangoka yoyo wali ngara huru haranga mapo, rehi waddi wali ela huru ha-ranga utta. Wango kambumu yoyo ene bupalawe, mono yoyo nduka nanika akaromboko pahobamu lundu lappa bumate. ¹⁵ Yayo kuwolo nggumika hamuhungo ene yoyo mono waricoyo netu, mono ela mburu dadimu mono lamburu dadina. Wuy'wallamu a kamboli nggu -ni akatakumu, mono yoyo eme tattuko nani iru witina." ¹⁶ Lambarana waricoyo ne-tu Maramba Alla wena, "Yayo eme kuta-tambonggu-ni haddu ene bupakambu mo -no hadduna yoyo eme bupa-anani anamu. Yoyo enga diya amomoro-mu ela laghimu, mono diyo eme dika nakawahaghu tutumu. ¹⁷ Diyaka, lambarana toy' piyo netu Maramba Alla we-nani, "Oronaka yoyo bunamato-ya patakina ariwey'mu, mono bumuy'nika awuy'na wali lapungena ghayo netu ene papakiro ndandi-Nggughu, 'Ambi muy' damo-ka yoyo,' bolla harrabangoka tana orona yoyo! Diyaka malaruko pango yo-yo bupaghilini amuy'mu pa-hamuy'mi parapango mate. ¹⁸ Tara mboroto mono ka-mbapa nabukuloni atana tanggumu, mono yoyo eme naoheya patondo wokami lamarada. ¹⁹ Nggahako pango wey' kabutamu,yoyo eme bumuy' -ni ahamuy'ngo, lappaka yoyo bubalighu lata-na nggeni ene yoyo pandoy' dekengoghu. Torana, yoyo wali lakarombo-koghu, mono eme balighu lakaromboko. ²⁰ Toy'piyo netu napangara nika ariwey'nya "Hawa" tora diyo dika a painya wali ngara toyo namopiro. ²¹ Mengewalika, MYORI Al-la napandahandika ngawuda wali la kalulla haranga mono natay'nika lambarada hediyo. ²² Maka,MYORI Alla we-naka, "Ice baka, toy'piyo ne -tu ndoli nyaka merana na-hatoyo wali la Ghica; diyo napegheni tutuna nandaha mono nambunako. Hene-ne, uruawa diy' wadi napu-puya wuy'na punge ghay' mopiro mono namuy'nika mono diyo namopiro nja-ngo ndukana." ²³ Maka,MYORI Alla naho-ko hikya toy'piyo wali la Kali-gho Edeno tanna wa -li pandoy' dekengoya. ²⁴ Mengeka Maramba Al-la nahoko hikya toy'piyo ne -tu wali lakaligho, Diyo na palondo nikya malekoto nduka teko api na maa-alip po tutu ndangga dani lara na laotuna punge ghayo mopiro.