Kawuku 22
1
Langango ngara baka etu iyiya, Maramba Alla nakabani Abrahama. Mara-mba Alla wena lambarana, "Abrahama!"
Mono Abrahama nawalaho -ya, "O, Mori!"
2
Maramba Alla wena, "Ngandibayaka anamu, a-namu hawuy'ngo mono ene yoyo hapamanawaro-mu netu, ela tana Moria; mono hamarako banggani-ka diyyo nggabango mara-ko patunu ela la hawuyo letena ene papa dodoko-Nggu lambaramu."
3
Maka, nakedeka Abra-ham kapuhuddo nggawalo nahandiyaka kapay' ndara-na. Diyo mai'ka wenandika haduy' toyo wali la toy' na bay' pango namarengeni Ishako, anana, otu mare-ngendi. Diyo wadi ndoli li-kato naka ghayo tangguna marako tunu, menge nake-deka mono otunika ela pan -doy' patkkina Maramba Alla lambarana.
4
Tutuka loddo katlluna, Abraham nahamataronika pandoy'ngo mono naiceya-ka pandoy'ngo netu tay'ma -roy'ni.
5
Wenaka Abra-ham lambarada halakeda mone namarengeni, "Yiy'ba -nggumika iyiya dika anda-ra. Yayo mono lakeda iyiya otu panggama anyene laka -podongo mono hamba-yango. Menge netu, yama eme balighama lamba-
rami."
6
Maka, Abraham nadeke ka haghayo tunu marako napaholo nanika Ishako, a-nana menge diyo naketeni kito monp api. Mengeka ha toy' duyo hotu pakaduy'ndi -ka bamarenge.
7
Ishako wena lambarana bapana, "Bapa!"
Abraham nawalahoya, "We, ana?"
Maka wena Ishako, 'Api mo -no gayo yingoka, tapi nggeni mbembe tanggu marako patunu?"
8
Nawalahoya Abrahama, "Maramba Alla mangawu-yo nahandiya ana mbembe tanggu marako patunu ne-tu ananggu."
Maka, hediyo halako tarohi -ka bamarenge.
9
Paheka hediyo adukika ela pandoy'ngo patakkina Maramba Alla lambarana Abrahama, Abrahama wadi napakede yaka nahawuyo altara mono na aturohiki haghayo lapanuna. Menge-ka, diyo, napatannayaka Is-hak, anana, mono napuliro-yaka ela panuna altaro ne-tu, lapanu ghayo.
10
Me-nge, Abrahama naghunggu -nika limyana bana keteni kito kito tanna ndakoro wa -ni anana.
11
Tapi dimoka, hurunda-nduna MYORI nakawuloni-ka wali la huruga mono we-nani, "Abraham! Abraham!" Maka Abraham, napawala-ho, "O, Mori."
12
Malekoto wna, "Amba panugha baka anamu, mo-no amba pay'pay'muni diyo torana henene Yayo kupe-ghenggu yoyo kambohini Maramba Alla mono inja manawaroni anamu, ana hawuy'mu netu haraka mo- ngganika lambara-Nggu."
13
Mengeka, Abraham na keketoyaka matana naiceya -ka nahaiha ana mbembe ghobo napakango kaduna ela mboroto dalo; maka na otunika Abrahama ladeke-ya mbembe ghobo netu mono namarako nanika nggabango marako tunu naheluya anana.
14
Abrahama wadi nataki -yaka netu pandoy'ngo" "MYORI dika Nahandiya," Lapa iyiya loddona iyiya, to-yo wenani, "Ela letena MYO -RI, dika nahandiyo."
15
Panungo panduy'na walina Hurundanduna MYORI nakawuloni Abra-ham wali la huruga,
16
wena malekoto netu, Tu-tuna pola toy'-Nggu Yayo ku haro, henyaka liy'nya Maramba Alla, orona Yoyo ndoli palaku muni hadana iyiya njana manawaroni anamu, ana hawuy'mu ne-tu,
17
Yayo eme hepinja panguna napamaringi ma-lalaghu mono nahambanu mbogho ngguni wuy'walla-mu mera manduna lakara-mba mono dangana halayo lakahuddo. Wuy'wallamu eme nalondoni ngara hako-tada ngara hamuhuda he-diyo,
18
mono liya wuy'walla-mu ngara kehe toyo lapanu tana apamaringi malalaya, ngara yiya toramu yoyo na ndoli paakani ngara patak-ki-Nggu."
19
Menge, nabalika Abra-hama lambarana ngara to-yo nabangu, mono hediyo otundi marengeni ela Ber-seba. Mono, Abrahama na londoka la Berseba.
20
Langangoka ngara ke-he netu, napaneghenika la -mbarana Abraham, "Ro-ngo bakala, Milka ndoli pa-inyayaka; diyo napaana ni-ka lakeda kabani wali la Na -horo, dungo kambumu.
21
Anana bondina Us, me-nge wali Bus, mono Kemu-el( hallu napena atoy' A-ram).
22
Mengeka Kesed, Hazo, Pildash, Yidlaf, mono Betuel,"
23
Betuel didoka bapana Ribk. Milka napaana nika Ribka. Milka napana nika kapandapatona lakeda ne-tu wali Nahoro, dungo kam -buna Abraham.
24
Gun-dikona Nahor nangarango Reumah wadi napaanango ha ana kabanina, hediyo didoka Tebah, Gaham, Ta-hash, mono Maakha.