¹ Yila hurata hatulho mowagu kawungana, Teofilus, tutna tangada ha kapunge nai Yesus bana rayidi mono bana panuayi, ² koha badukini yina lodo bada keketaya Iyo, ba poja Iyo bana woyo pareha, ledena Waddi katengo, la barada hitu ana lima ha pidde mowa-Na. ³ La barada, Iyo na pa tingo wu-Ni na pola tonna na morho la balna bana mayilla, wadi hitu paha moddo li donga, hagapengo bana patingo wuna la barada ka pato kabullu lodo mono bana dulkoya tutna yina Hadonna Maroba Allah. ^{4 4} ba tongrongo bana ole dobadi, iyo napa rehayi ka abu da jenna na Yerusalem, tabollo remani yina rahi nai Bapa, yitu kawe-Na, "Yomim rongoya wali la bara-Gu, ⁵ Oronai Yohanes na paiho wango weiyo, tabollo Yommi da ha iho wagimi Waddi Katengo, ja hilu na mojak mango wali bahena." Yesus Na Makeketa La Surga ⁶ oro ineya, batongroda bada makoha, da kanuka la bara-Na, " Mori, yi idoka na lodo ha paha maringi-Mudi hitu hadodda hitu Israel?" ⁷ Iyo wenna la barada, " Jemu dagu nekmani tajaya yina lodo mono na mahigo ha poja mowana ha unnaya yitui Bapa la jonga Kadongko-Na. ⁸ Tabollo, yomim hibaya yina kadongko ba nedoni yina Waddi Katengo labarami mono yomim dadi saksi-Gu la Yerusalem, la tangana na Yudea mono Samaria, mono koha duki la hupu tana." ⁹ Mono, poj bana tokiyi hitu tangadi, ba tong rongo bada hamatarango, Iyo na makeketa mono na karoba ne kodo ngodi-Ya koha bamana bunga wali la matada. ¹⁰ Lodona, ba tongroda bada pahorani na langto, batongrona ba-Na halako, horamoni, nedi kadungo kabani kawango kalebbe kaka dede la barada, ¹¹ mono wenna bana hanewe, " Hai tangami toyo Galilea, aba mam dede mono mam tangaraya na langto? Yitui Yesus kama keketa mowa wali lajongami kaha lako la surga enga kakngo bana bali kehengo ba ite-Ya bana pone la surga." Pidde toyo paha wede ka bango ¹² pojja kanono, da bali wali la Yerusalem wali yila letena kangaro Zaitun, kanengo nola bara Yerusalem, marona heka dona ba halako la Sabat. ¹³ bada poja hatama, na pone nola koro kadoyo deta, nola hadoda. Petrus, monoi Yihanes, monoi Yakobus, monoi Andreas, Filipus, monoi Tomas, Bartolomeus, monoi Matius, Yakobus ana nai Alfeus, monoi Simon toyo wali la Zelot, monoi Yudas ana nai Yakobus. ¹⁴ Tangada da hawu atengo bada kawojo dobba oledi hitu mawinne monoi Maria, inya nai Yesus mono tangadi ole ben-Na. ¹⁵ Tangana kayina lodo, Petrus na dede la jongada hitu ole hatena (toyo danga nengo ngahu toyo dangana), mono wena, ¹⁶ "Tangami bagu ole beggimi, Hurata hori da ponu mowayaka, hatokida wali kawungana hitu Waddi Katengo ledena wobanai Daud tutunai Yudas, ka dadi kapala hitu toyo kawopayai Yesus. ¹⁷ Orona, iyo yapu goni lajongada mono na kolengo taguna yila paha yillida. ¹⁸ Bahenna, yina toyo na kahi kawijko tana wadi hitu hakole wana japata, mono ba kole bana kanadu ullu na katokuna, na paradu ihina na woka, mono tangana na ihi kabuna na mahobara. ¹⁹ Mono, tutuna yitu da taja koha mowaya tangana na toyo ka engango la Yerusalem lodongo ngarana yitu na tana bada wani naha newe dagu Hakal Dama wedani, artina, 'Tana Rutto' ²⁰ Orona, nemowani ka matulho la hurata Mazmur: 'Jekana kala yina hadonna kana kahiko, mono jekana habali abu neha hingkango toyo ka engango no dalo,' mono, jekada hawadeka kada dekenani hakete hodina. ²¹ Oro ineya, hawu toyo wali la jongada ka ole hakitada wali yitui Maroba Yesus bana tama mono bana lohongo wali lajongada, ²² wali yila ba haihoi Yohanes koha yina lodo Iyo bakeketaya wali lajongada, hawu toyo wali la jongada na dadi toyo kataja nedoya tutu kode habali-Na la jongada." ²³ lodona, daha wedeyi hitu kadungo toyo, hitui Yusuf yitui barsabas hawengo, monoi Yustus hawejalongo, monoi Matias. ²⁴ Lodona, da kawojo doba, "Yoyo, Mori katajai ateda tangada toyo hapidde-Mu, ²⁵ pahiba waya yina hayilli mono kangodoni ana limma, wali lai Yudas kahelora mowa mono halako la hadoyo daguna." ²⁶ lodona, hitu ana lima na letongo undi lajongada mono yina undi na wonna lai Matias koha iyo na oledi hitu kabuldihango ana lima.