¹ Yitu kane mowango wali yila kapongena, ha rongo mowama, ha ite wa mowama matama, mono paha matara mowama mono ha joja mowama wadi limama, yiyu na Li kamorho, ² yina morho hatoki mowada mono ha ite-Na. yama ma tokiya mono ma dulkoyala baramu tutuna yina morha jeka haduka ka nemowango oleni Bapa mono hatoki mowada la barama. ³ yitu harongoma mono ha itema, yama matoki jalaguni la baramu kane jalango dimmi na kangotemi olema yama. bawade hingukani yitu na kangotema yama oeni yitui Allah ha Bapa mono ana-Na, Kristus Yesus. ⁴ Tangana yitu ma tulho gimini la barami ka yitu na mageborami na bonungo. Halako Yila Magakaha ⁵ Idoka yitu na li harongoma tutuna Iyo mono paha dukima labarami, yitui Allah ba magakahoya mono ha ka engango la jongana Iyo jane hingmango na kapogtoda. ⁶ Yitu itango bawekada itango bada kangote oleni Iyo, tabolo da morho yila kapogto, ida da kawohoka mono jeda rayikmani yitu katena. ⁷ tabollo bada halako yila magakaho, ka hengo Iyo la magakaho, ita neni na kangoteda diha-diha, mono yina na ruto nai Yesus na ana-Na, na hamorahada itango wali hitu la doku jalada. ⁸ Yitu itango bawekada ba jeda rayikmango jala, paka wohoka wu dagudani, mono yika tena ja nekmani yila jongada. ⁹ bada mangakadi dokudada, Iyo na didira mono nahatibara bana hawalidadi doku jalada mono napa murahadaditangada ha japatada. ¹⁰ bawekada bajeda rayi hinguk mango doku jala, da rayi neni Iyo dadi matipumono yina li-Naja nekmani la jongada.