¹ እነዚህ ሕዝቡ <አስተማሪው> ብለው የሚጠሩት በኢየሩሳሌም ነግሦ የነበረው የንጉሥ ዳዊት ልጅ የተናገራቸው ቃሎችና ምሳሌዎች ናቸው። ² አስተማሪው እንዲህ ይላል፡< ቋሚ የሆነ ምንም ነገር የለም። ሁሉም ነገር እንደ ማለዳ ጤዛ ወይም እንደ ነፋስ ነው። ይመጣል፡ ይሄዳል፡ ነገር ግን ምክንያቱ ምን ይሆን? ³ ሰዎች በዚህ ምድር ላይ ከሚያከናውኑት ሥራ ሁሉ የሚያገኙት ትርፍ ምንድን ነው?> ⁴ በየዓመቱ የሸመገሉ ሰዎች ሲሞቱ ሕፃናት ይወለዳሉ፡ ነገር ግን ምድር ፈጽሞ አትለወጥም። ⁵ በየማለዳው ፀሐይ ትወጣለች፡ምሽትም ላይ ትጠልቃለች፡ወደ ምትወጣበትም ለመመለስ ትጣደፋለች። ⁶ ነፋስ አንዴ ወደ ደቡብ ከዚያም ተመልሶ ወደ ሰሜን ይነፍሳል፡ መልሶ መላልሶም ይዞራል። ⁷ ወንዞች ሁሉ ወደ ባህር ይፈሳሉ፡ ባህሩ ግን ፈጽሞ አይሞላም። ውሃው መሬት ውስጥ ይገባል፡እንደ ገና ወንዝ ሆኖ ይመጣል፡ ተመልሶም ወደ ባህሩ ይፈሳል። ⁸ ሰው በቃላት ከሚገልጸው በላይ ሁሉም ነገር እርካታ የማይሰጥ ነው። በተደጋጋሚ ተመሳሳይ ነገር እናያለን፡ያም አሰልቺ ይሆንብናል። የምንሰማው አንድ ዓይነት ነገር ነው፡ ይሁን እንጂ በተጨማሪ መስማት እንፈልጋለን። ⁹ ሁል ጊዜ ሲደረግ እንደነበረው ሁሉም ነገር እንደዛው እየተደረገ ይቀጥላል። አሁን የሚሆኑ ነገሮች ቀደም ሲል የሆኑ ናቸው፡ወደፊትም ተመልሰው ይሆናሉ። ከዚህ በፊት የተደረገው ነገር እንደ ገና ይደረጋል። በርግጥ በዚህ ምድር ምንም አዲስ ነገር የለም። ¹⁰ አንዳንድ ሰዎች «ይህን ተመልከቱ፡ከዚህ በፊት ያልታየ አዲስ ነገር ነው» ይላሉ። ነገር ግን ቀደም ሲል የነበረ ነው፡ እኛ ከመወለዳችንም በፊት ነበር። ¹¹ ከረጅም ዘመን በፊት የሆኑትን ነገሮች ሰዎች አያስታውሷቸውም፡አሁን እያደረግነው ያለው ነገርም ቢሆን ወደፊት በሰዎች ዘንድ አይታወስም ¹² እኔ ሰባኪው በኢየሩሳሌም ሆኜ እየገዛሁ ለብዙ ዓመት የእስራኤል ንጉሥ ነበርሁ። ¹³ ጥበቤን በመጠቀም በምድር ላይ እየተደረገ የነበረውን ማንኛውም ነገር መርምሬ ለመረዳት ራሴን አተጋሁ። የሚሞክረው ማንኛውንም ሰው እንደሚያደክም ሁሉ እኔንም ያደከመ ተግባር ነበር። ¹⁴ በምድር ላይ ከሚደረገው ነገር ማንኛውም ጠቃሚ የሆነ ነገር ለመሥራት የሚያስችለን ምንም ነገር የሌለ ይመስላል። ይህም ነፋስን ለመቆጣጠር እንደ መሞከር ነው። ¹⁵ የተጣመሙ ብዙ ነገሮች ቀጥ እንዲሉ ማድረገ አዳጋች ነው። የማናያቸውን ነገሮች መቁጠር አንችልም። ¹⁶ እኔም በልቤ'«ከእኔ በፊት በኢሩሳሌም ከነገሡት ከማናቸውም ይልቅ ጥበበኛ ነኝ፡ ከማናቸውም በላይ ጥበበኛና ዐዋቂ የሆንሁ ነኝ። ¹⁷ ጥበበኛ ስለመሆን ይበልጥ ለመረዳት እንዲሁም እርባናቢስና ከንቱ የሆኑ ነገሮችን ስለማድረግ ይበልጥ ለመማር ወሰንኩ። ነገር ግን እነዚያን ነገሮች ለመረዳት መሞክርም ከንቱ እንደሆነ ተረዳሁ ፡ነፋስንም ለመቆጣጠር እንደ መሞከር ነበር። ¹⁸ በጣም ጥበበኛ የሆነ ሰው ትካዜው ይበዛል። አንድ ሰው ይበልጥ ባወቀ ቁጥር ሐዘኑም እየጨመረ ይሄዳል።