¹ किख्रिया मंडळी सेवका आन आपु विश्वासी बोंही फिबी इयो बददल आय विंनती किंहु, ² तुमा पवित्र लोकाहान सोबेहे तेहकीं प्रभुम तियोल मानी लेजा केल्ला बी कामाम तियोल तुल गरज पोउी ताहा तियोल मोदत केअजा , काहाका तियोय मान आण खुबुज लोकाहांन मोदत केअली हाय, ³ ख्रिस्ताम मा आरी काम केनारे प्रिस्किल्ला आण अक्विला ईयान बी सलाम देजा, ⁴ जियाहाय मा जिवा खातोर आगाडी गेहेले तियाहां फोक्तो आंयज आभार मानुहु, ऐहेकी नाहा पेन जे यहुदी नाहा तियाह बाददाहान मंडळया बी आभार मानत्याहा, ⁵ तिया खातोर तिया कोवांम टोलवाणारा मंडळीलबी समाल देज्या आण म मेराला अपनतलाल सलाम देज्या तो ख्रिस्ताहा खातोर आशियामेने पेहेलो विश्वासी हाय, ⁶ मरियाल बी सलाम देज्या तियोल तुमा खातोर खुबुज मेहेनत केईही.

⁷ मा जातुला आण मा हेंगात्या केही अंद्रोनीक आण युनिया इयाहान समाल देज्या, प्रेषिताहाम तियाहा नाव आण मासे पेहेला तो ख्रिस्ताम वी होहेलो, ⁸ प्रभुम मा मेराला आप्लियाताल बी सलाम देज्या, ⁹ ख्रिस्ताम आमा आरी कांम केअनारो उर्बान आण मा मेरालो स्ताखु इयाल बी सलाम देज्या, ¹⁰ ख्रिस्ताम टिकी रेहेलो अपिल्लेस तियाल सलाम देज्या अरिस्तुबुला कोअने बादाहान सलाम देज्या. ¹¹ मा जातुलो हेशेदियोनाल सलाम देज्या नार्कीसा कोअनु जे लोक प्रभु हाय नियाहान बी सलाम देज्या. ¹² प्रभु मेहेनत केना-या त्रुर्फेना आण त्रुफोसा तियाहोन सलाम देज्या. मेराली पर्सिस इयुल सलाम देज्या तियोय प्रभुम मेहेनत केईही,

¹³ प्रभुम नीवडुलो रूफ इयाल आण तिया याहकील सलाम देज्या., ती मा याहकी होच हाय, ¹⁴ असु्क्रित फलगोन हरमेस पत्रबास आण हरमास ईयाहान आण तियाहा आरी रेणारा विश्वासी पावुहुलाहान सलाम देज्या, ¹⁵ फिललोगस आण युलिया नीरिया आण तिया बोअंही आण ओलुंपास आण तिया आरी जे पवित्र लोक तिया आदाहान सलाम देज्या. ¹⁶ पवित्र गु दिन एक बिहिरा आरी सलामी लेजा ख्रिस्ता बांदयामंडहया तुमाहान सलाम आखल्याहा, ¹⁷ मा पावुलाहा आमी आय तुमाहान राव्याकीन जो तुमाहाय हिकी लेदोलो हाय तिया विरूध्द जे फुटया पाडताहा आण अडचण्या उब्या केताहा, तियाहांसे हाचवीन आणतियाहा आरी रिहयामां,

¹⁸ काहाका तेहेंडाज जे लोक हाय जे आपु प्रभु यीशु ख्रिस्ता सेवा नाहा केता आण हारो हारो गोगणु की ते भोला लाकाहा मोन पुलवुताहा, ¹⁹ तुमा वचन पालनारे हाय एहेंकी बादा लोकाहान मालुम पोडलो हाय इयाखातोर आय तुमा बददल आनंद किंहु.तुमा बददल हुचार आण खाराबा बददल भोले रेजा ऐहकी मा इच्छा हाय, ²⁰ शांती देनारेा परमेश्वर सैतानाल तुमा पागा थुले माहारूज चुवी दी, आपु प्रभु यीशु खिस्ता कृपा तुमा आरी हाय, आमेन, ²¹ मा हेंगाल काम केअनारो तीमथियुस आण मा जातुलु लुकियस यासोन आण सोसिपत्तेर ए तुमाहान सलाम मोकलावताहा, ²² इं पोत्रो जियाय लेखलो हाय तो तर्तिय तुमाहान प्रभुम सलाम मोकलावे. ²³ मा आण बादी मंडळी चाकरी केअनारो गायस तुमाहान सलाम मोकलावी रीयो, शेहेरा कारभारी एरास्त आण ²⁴ आपु विश्वासी पावहू कुर्तएबी तुमाहान सलाम मोकलावताहा, आपु प्रभु यीशु खिस्ता कृपा तुमा बादाहा आरी रे (आमेन) ²⁵ आमी मा प्रचार बददल आण यीशु खिस्ता आखलो आथो तेहेकी जे जुन्या गोठी कासाकी युगाम दोबावी थोवाम आली, ²⁶ पेन आमी ती खुली वेअली हाय,आन सेवकाहा सेवकाहा शास्त्रलेखानपु ,खेरा खेर परमेश्वरा आज्ञे प्रमाणे विश्वासा आज्ञापालना खातोर आख्या राष्ट्राहान होमजावलो हाय, तिया दोबावल्या गोठीही भवीष्य केनारा होस जो तुमाहान स्थिर केरूलो समर्थ हाय, ²⁷ तो अदभुत बुध्दीमान देवाल यीशु ख्रिस्ताव्दारे युगानयुग गौरव वेरे, आमेन.