¹ तियाले आपु शक्ती की जो अशक्ती हाय तिया अशक्तपणा भार उसलूणू आने शोताल खूषी केरा नाहा. ² आपुमने परते जाहाये पाडोसील जो हारो हाय तियामे तिया हारा केहता नेहतां फायदा केहता खुषी केरापणू ³ काहाका ख्रिस्ताय सोताहा आखुश नाही केयो पेण तो निंदा केनारा आखी निंदा माप आवी आने ऐहकी नियमशास्त्राम लिखलाक हाय तेहंकी वेरा दे दो. ⁴ काहाका जे गोठया पहिलाम लिखवाम आल्या ते आपू हिखा केहता लिखल्या तियाल आपू धिरज की शास्त्रलेखामने मिलनारा उतेजना आशा तेरा जोजे ⁵ आमी जो धिर व उत्तेजन देहे तो देवा तुमाहान ऐहकी दे का तुमा ख्रिस्त येशु होस एकबिहीरा आरी एकमोनाकी व्या. ⁶ म्हणजे जो आपु प्रभु येशू ख्रिस्त इया देव आन बाहाको हाय तिया आपुही एकमोनाकी आन एकामुयाकी गौरव केरा. ⁷ परराष्ट्रीय म्हुणन देवा गौरवा केता जेहकी ख्रिस्ताइ आपो स्वीकार केया तेहकीच तुमा ऐकबिजा स्वीकार केरा. ⁸ काहाका आन आखुहू का, ख्रिस्त देवा सत्याकेता सुंता वेला सेवक वेयो, म्हणजे पुर्वजांहा देदल्या तिया वचनाकी तीयाहान प्रमाण मिले

⁹ आन देवा दयेकेता परराष्ट्रीयान तीया गौरव कराय, कारण अेहेकी नियमशास्त्राम लेखलो हाय का, “तियाल आय राष्ट्राम तो स्तुती किईही, आन नावा स्तोत्रे गाईन आखेहे.” ¹⁰ आमी जो धिरज आने उतेजन देह तो देव तुम्हाल ऐहंकी दी का तुम्हा ख्रिस्त यीशुप्रमाणे उेकमेका आरी एक मना वी जा. ¹¹ तियाले जो आपु प्रभु यीशु ख्रिस्त या देव आने बाको हाय तिया तुम्हा एकमना की आने एक मुया की महिमा केरा. ¹² तियाले देवा महिमा केहंता जेहकी ख्रिस्ताय बी आपू स्विकार केयो तेहकी तुम्हा बी एकमेकाहा स्विकार केरा. ¹³ काहाका माय आखू का ख्रिस्त देवा केहंता सुनहत वेला सेवक बन्यो म्हणजे पुरवजा देधल्या तियाय तियाहान प्रमाण दे. ¹⁴ आने देवा दया केहंता परराष्ट्रा तिया माहिमा के काहाका नियमशास्त्रा ऐहकी लिखलो हाय का. ¹⁵ पेन आन तुमाल इत की दा जोजे तियाहाल तुमा काही ठिकाणी खुबूज धैय लेखलो हाय काहाका मल देवाय पोचवुल्या दयेखातेार आय लिखता हाय, ¹⁶ ती कृपा इयाखातोर हाय का तिया सारखो आय पर राष्ट्रांहाखातोर देवा सुवार्ते याजकपन केहे, येशु ख्रिस्ता सेवक वेरा जोजे तियाल परराष्ट्रीयांहान इ अपर्ण पवित्र आत्म्याकी पवित्र विइन मान्य वेरा जोजे. ¹⁷ तियाल माल देवाबोद्दल गोठी, ख्रिस्ता की अभिमानाल कारण हाय, ¹⁸ काहाका परराष्ट्रीयांन आज्ञा दा जोजे तियाहाल ख्रिस्ताय मा वेने घड्यो नाहा एहकी शब्दाकी आन कृतीकी काही आखा खातोर आय फासाडी नाय हारकु. ¹⁹ चिन्हांकी आने अद्भुत कृत्याहा सामार्थ्याकी, पवित्र आत्म्या सामार्थ्याकी, इयाप्रकारे आन यरुशलेम शहरा सोमकीकानी इल्लुरिकम प्रांताहुद ख्रिस्ता सुर्वाता पसरावली हाय. ²⁰ पेन बिहरांहा पागाव बांधनारो वेय नाय इयाखातोर ख्रिस्ता नाव जिही लेदलो जातलो नाय, अहड्या जागे सुर्वाता आखा खातोर आय गियो.

²¹ तियाल शास्त्रलेखाम लिखल्याहोस, ‘जियाहान तियाविषयी आखाम आल्लो नाय आथो ते माही वेरी आने जीयाही उनाले नाय आथे ते तीयाहा मालुम पोडी. ²² आन तियाल तुमाही आवा खातोर मान खुप तोकलीफ आली. ²³ पेन इया भागाम काहीच नाय हाय तियाल आन तुमाही आवणु खुप दिहीरी मा इच्छाकी ²⁴ आय स्पेन देशाहोवे प्रवास केहे ताहा तुमाही आवेहे, काहालका आय आशा किहू का ओहो जाहे ताहा तुमान मिलेहे आन तुमा पेहेला तृप्त वेरा आन ताहा आहो जाहे. ²⁵ पेन पवित्र जहां सेवा केरा खातोर आय आमी यरुशलेम शहाराम जाय रेहलो हाय. ²⁶ काहाक मासेदोनियाल आन अखयाला इ हारो नाहा वाट्यो, यरुशलेम शोहराम रेनारा पवित्र पावुहूम ते गोरीब हाय, इयाखातोर काही भाग केरा. ²⁷ इ खेरोज हाय तियाहान हारो वाट्यो नाहा आन ते तियाहा आभारी हाय, काहाका आत्मिक गोठीम जर परराष्ट्रीय भागीदार वेले हाय तर दैहिक गोठीम तियाहा सेवा करुलो तिया कर्तव्य हाय. ²⁸ तीयाल आय हे पुर्ण कीईन इ पिक तीयाहान शिक्को कीईन दिईन तुमाहीने स्पेनम जाहे. ²⁹ आन आय पाक्को आखुहू का आय तुमाही आवेहे ताहा ख्रिस्ता आशिर्वादा वोजो ली आवेहे, प्रार्थना केरा खातोर विनंती. ³⁰ पेन आय आपु प्रभु येशु ख्रिस्त इया केता व आत्माहा प्रीती केता, पावुहू तुमाल विनंती कीहु का, मा लोढाईम तुमा मा केता देवाल प्रार्थना केणुम मा भागीदार व्या. ³¹ म्हणजे यहुदाम जे अवमान केनारे लोक हाय तियाहा आथामेने मा सुटका वेरा जोजे आन यरुशलेमाखातोर जी मा सेवा हाय ती तेहीणे माहांना कबुल वेय.

³² म्हणजे देवा इच्छेकी आय आनंदाकी तुमाही आवु आने तुमाहा आरी माल फाच्छो उत्तेजिम वेराजोजे. ³³ आमी शांती देव तुमा बाठ्ठा आरी रेय. आमेन.