¹ मा आवडता पोयराहा तुमा पाप केरा नाय जोजे तीयाल माय तुमा वाटो या गोठ्या लिखी रीयो हो पेन जर तुमामने ऐगोहो पाप केहे ता तीया वाटो पित्या जागे आपु केवारी येशु ख्रिस्त जो नीतीमान हाय. ² तो फक्त आपु पापा वाटो नाहा आखा जगा पापा बदल प्रायश्चित वेयो. ³ जर आपु तीया आज्ञा पाळतेहे ता आपु तीयाय खेऱ्या मोनाकी ओखुते हे. ⁴ जो केडो एहकी आखे माय देवाल ओखुहू पेन तीया आज्ञा पालतो नाहा ता तो खोटो गोगेहे आन तीया मोनाम खेरो नाहा. ⁵ पेन जो केडो तीया वचना प्रमाणे चालेहे तर तीया मोनाय देवा प्रीती हाय ईयापने आपुन होमजाय का आपु देवा मोनाम हाय. ⁶ माय देवा वचनाम रीहू एहकी आखनारे जेहकी येशु ख्रिस्त चाले तेहकी चाला जोजे. ⁷ मा पावुलाहा माय तुमा वाटो तोवी आज्ञा लिखी नाहा रीयो पेन जी आज्ञा तुमान सुरवातीने देदली हाय ती जुनी आज्ञा लिखुहू जो वचन तुमा ऊनाले हाय ती जुनी आज्ञा हाय. ⁸ तेबी माय एक प्रकारे नवी आज्ञा लिखी रीये हो ती ख्रिस्ताम आन तुमाम सत्य हाय काहाका आंधारो पारवाय रीयो हो आन खेरो प्रकाश आगलानेज उजवाडाम हाय. ⁹ माय उजवाडाम हाय एहेकी आखीन जो आपु पाऊलाहा द्वेष केहे तो आजी बी आंधाराम हाय. ¹⁰ जो आपु पाऊहूप प्रेम केहे तो उजवाडाम रेहे आन तीयाम कय केहडा कारण नाहा. ¹¹ पेन आपु पाऊहू द्व्रेष केहे तो आंधाराम हायतो आंधाराम जीवी रीयो आन तो केडो की रीयो तीयाल होमजातो नाहा काहाका आंधाराम तीया डोवा आंधला केला हाय. ¹² मा पोयराहा माय तुमान लिखी रीयो काहाका ख्रिस्ता नावा मुळे तुमा पाप क्षमा वेली हाय. ¹³ वडिल लोकाहा माय तुमान लिखुहू काहाका जो सुरुवातीपासुन अस्तिवात हाय तीयांल तुमा ओखुताहा जुवान पोयराहा माय तुमान लिखी रीयो काहाका दृष्टाप तुमाय विजय मिळवुलो हाय हाना पोयराहा माय तुमा लिखी रीयोहो काका तुमा पिताल ओखुताहा. ¹⁴ वडील लोकाहा माय तुमान लिखी रीयो काहाका तुमान पिता माहिती आय वडील माअहा माय तुमान लिखी रीया काहाका जो सुरुवातीपासुन अस्तित्वाम हाय तीया तुमान ओळख वेली हाय. तरुण पोयराहा माय तुमान लिखी रीयो काहाका तुमा बळकट तुमा दृष्टा पे मात केली हाय. ¹⁵ जगाप नायता जगामेने केललीज गोठीप मोया केरा मा जर केडो जगाप मोया केतो वेरी ता तीयामोनाम पिता मोया नाहा. ¹⁶ काहाका जगाम जो आखो हाय तो म्हणजे देहा वासना डोवा वासना आन संसारा विषयु फुशारकी ई पित्या पासुन नहा ता जगापासुन हाय.

¹⁷ जग आने जगामेने वासना पारवाय रीयाहा पेन देवा इच्छा प्रमाणे तो सर्वकाळ पर्यत जीवी. ¹⁸ मा पोयराहा शेवटुल्या दिही जागे आला हा आन तुमा ऊनाहा प्रमाणे ख्रिस्तविरोधी आखी रीयाहा आन आमीज खुबूज ख्रिस्तविरोधाक उठी रीयाहा ईयापेने आपुन देखाय रीयो का ई शेवटूली घटना हाय.

¹⁹ आपुमनेज ते निघ्या तेबी ते आपु नाय आथे ते आपु रेते ता आपुआरी रेते तीयामने केडोज आपु नाहा ईया प्रकट वेरा जोजे तीयाल ते निग्या. ²⁰ पेन जो पवित्र तीया पासुन तुमा आत्माय अभिषेक केलो हाय तीयाल तुमा आखान सत्य मालुम हाय. ²¹ तुमान सत्य होमजातो नाह तीयाल मायु तुमा वाटो लिखलो हाय एहकी नाहा तुमान तो होमजाय तियाल आन केलीज लबाडी सत्या पासुन नाहा तीयाल लिखलो हाय. ²² येशु ओ ख्रिस्त हाय एहकी नाकारणारो लबाड नाहा का ? जो पिताल आन पुत्राल नाकारेहे तोज ख्रिस्त विरोधी हाय. ²³ जो केडो पुत्राल नाकारेहे तीयाआरी पिता नाहा पेन जो पुत्राल स्वीकारेहे तीया आरी पिता हाय. ²⁴ तुमा बदल जो आखा जाय ता जो तुमा सुरवातीपासुन ऊनायाहा तो तुमा माजमे रे जो तुमा आरंभापासुन ऊनायाहा तो जर तुमाम री तर तुमा बी पुत्रा माजमे पिता माजये रेहा. ²⁵ आन देवाय आपुन जो देऊला अभिवचन देदलो हाय तो म्हणजे सार्वकालीक जीवन हाय. ²⁶ जे तुमान ठोगावुला प्रयत्न की रीयाहा तीया विषयी माय तुमा वाटो या गोठ्या लिखी रीयो हो. ²⁷ पेन तुमा बदल आखा जाये ता तीया होवेन तुमा अभिषेक वेलो हाय तो तुमा मानाम रेहे ताहा तुमाम केडाल हीकऊला गरज नाहा तीया अभिषेक तो सत्य हाय खोटो नाहा, तुमान आखा गोठीविषय टीकवे त्याप्रमाणे तीयाय तुमान हीकवुला प्रमाणे तुमा तीया माजमे रेहा.

²⁸ तीयाल मा प्रिय पोयराहा ख्रिस्ता माजमे रेआ या वाटो का जाहा ख्रिस्त प्रकट वी ताहा आमान धैर्य मिली आन जाहा तो फासे आवी ताहा तीया हारे आपु लज्जित वेजी नाय. ²⁹ जर तुमान माहिती हाय ख्रिस्त नीतिमान हाय तर जे लोक हारा काम केतेहे ते देवा पोयरे हाय ते बी तुमान होमजी देदलो हाय तो म्हणजे सार्वकालीक जीवन हाय.