1
Peanya, he eba, meba nohara, tebahi makiefuele, merawora jamepepatefe. Kei, tebahi pimepemepe, merawora nomeme mepemepe, kei mewora teba mepemepe, mera jano mepemepe.
2
Pa neru, Tata ma-ke pewa bamua te-teba jaite-ete.
3
Pa me, he meba, mea teba janoite-e mepeme, kei mewora jai mepeme, mehuokana, kei mepora Tata ma-ke pepepekape?
4
Mepule jehelo keke pa heve-Kekei roropa, pu-Keke kekape pa hupala heve-Keke? Mepukana, kei heve Kekei mekekakakoti mepopopope?
5
Kei hupala nave meme ko mepupopo omepe, merawo nomeme fepepemepepe pune bane fekeke pa Tata ma-ke tewenarurute.
6
Janofefe elemotu Ke-keputoto ewole,
7
kei mepenaimemepe eba jano heve bamua eloele, fefekeke ejuele, tabeja pa jatakukukato,
8
pa hue pa huetimaki te-teba notetewo jatete-ete, jabamua telaka, pa telatakete jafefe.
9
Jafefe pa efuele to pupu eba fepapapa jafefe ele-ele, lopana eba Yahudi pakei eba Yunanai rai,
10
Pa fefeKeke, tabeja pa hupala heve teba jaheve te-ete tea rerete, lopana teba Yahudi, para teba Yunani.
11
Neba lelepa a.
12
Pakei eba nole-le ma-Keke-hetokai e-takukuto ma-Keke kapa; pa eba nole ele ma-keke hetoi etera lafufu ma-Keke nyate.
13
Kei eba ma-Keke eluele Tata hokei eba bamuaka, pa teba ma-Keke jano telaete tea teba bamua kelolole.
14
Pa-anara tebapapahi ma-keke temoka pa putete wofawako ma-kekei janotere-ete ana ma-keke nukotu, kei, te ma-keke tereka, te-ma-kekei terepa rela notetewo.
15
Panoi tenaru, ma-keke napepei putomotu hupala tete pa hupala tetewo janaru pa pu-tete tewowo boe.
16
Jai ea-atu ba-ne, pune Tata, anara Pifekeke ni-naluele, jalelepa wekotu hupala nebai ma-kelele, kei Yesus Kristus.