PASAL 1 LA ALI

Pina

1 Kewe Tata Oke pinake, Tata kelehito Oke u-kenalulu bapohake jalewawatui. pa te tebafapa kelofete, Ke-nalu Yohanes bapu-Ke. 2 Yohanes Tata pifekei huhu kele pa huhu Oke welei, kei jalelepa lotopa kefui. 3 Meba lavumepe pa eba Tata pinake potokotuwe eluele e-hupala heve, pa eba japu motowe elaele, pakei bawe watu.

Tabeja te tebapa Keke napaheto

4 Wa Yohanes te Tatabapake te-ete Asia hapa: Pipate pa hupalaheve watakoko-e, wa-Ke, kemule pa lemotofamo pa kele, pa wa letu napaheto rete Tata hoke, 5 pa wa Tata Oke, kelatakopa jakefui, keba lopawo lefuto pa teba tafa te-ete fitowe temete ke-tukolo. Ko Ke, kei ne-pipate kele pa hi Kekepa nole nene ketapu - 6 pa nekeleto bametu ali newe, neba janoronete Tata paike, Ai-Keke, - te Kefa fefekeke pa ma-keke konaikoko. Rupabe. Ekale, atupa Ke-to pa luto lelepa Ke-tefifite, pa teba Ke-tejirai. Pa tebapapa te-ete fitowe Ke-futetete. Ya, rupabe. "Niwe Lopana pa Pepape, Tata pifeke, kotu pa kotofako pa ketotole, Keba Tete.

Yohanes jakefu Patmos

9 Nia, Yohanes, hola pa newowo jafefe nerone, pai-Keke pa Oke nemopanone, Tata pifekeko nile-ele petui batikeke Patmos pa Oke jana kenalui. 10 Pu Tata bake Letukeke ni-kepu pa pina makiwu nilofa, anara pu-naka, 11 kelo: "Ja-mefumepei, japu memepe ropu-u pa popetete bapake napaheto wea: te Efesus, te Smirna, te Pargamus, te Tiatira, te Sardis, te Filadelfia pa te Laodikia." 2 Kaipa nepore kale pina uatoni-i. Pa pu nipore, nikalete ra-tae napaheto emas-pa tete. 3 Pa ra-taehoui bauru nero ana Neba Ko, roeti kafe wakote tae kefako, pa taruei a-opu tu-emaswea kepeku. 4 Rube pa ta Kekei tutu anara ta-tutuwo, pa Luto Keke anara ra-ei. 5 Pa tae Kekei lapate anara tembaga tera-ra; pina Kekei anara pa-bapale kuile. 6 Pa no Kekei ha napaheto kelomotu pa lau Kekei anabe luto hitu keto, pa taha Kekei lapate ana ra-hitake. 7 Pu Ke nifu, labi nipa tae Keke anara ba-wa; kaipa no-nonalu Kewefe ni, pa kelo: "Me-fufuka! Niwei Lopana pa pepape, 8 pa Ke Mole. Ni-wu, pa mekape, Ni-mole, nimo naia momole pa lotebabiate Ni-kekule pa tebabi paite. 9 Peanya jamefuwe japu mepepe, kei jaua lewaetu na fapu lewawatu uawe kau. 0 Pa ha napaheto mefu no nupalo Ninei pa ra tae napheto emas-i: ha napahetoi teba-fapa napaheto pa ra tae napahetoi pabake napaheto."