1 Keba Farisi ung bati Nikodemus. Ke ing keba rube bapa Yahudi. 2 Bang ung rapang, ke kana Yesus ti pa keleng, ''Rabi, newe nere Me ing Koru mema Tata pe ana nebawe jaungra kelele kale anaja lopa Me peko motu, anara Tata kemele newe lepa.'' 3 3 Yesus lengte kewe, ''Bamuang-bamuang ing Niwe leng tete me, pea kebaung ke petanghaaka, keing jeng Tete Keke ke fofokale.'' 4 Nikodemus kekengte, ''Tunaneko kotu kebaung ke fang-fangra petanghaa keweti bahufa. Pea peingka tukotu kebaing keti kengti anni hupe pa fang-fang ke petanghaa.'' 5 Yesus lengte kewe, Bamuang woing, Niwe pi leleme, pea kebaung kewe petanghaa paa pa feng To, ke jeng Tete Tatake ke keng-keng kale. 6 Ja ing petanghaa wa naa peing naa, pa jaing petanghaa wa feng To peing to. 7 Peing e engta pepeka Niwe leng tete ewe, 'Ewe fang-fangra tetanghaa a.' 8 Feng kaile kekana nenele kole pung keke pa nakeke eluelena, anara ewe lena pengri keke pa kekana nenele. Anara newe neba tuho tetanghaa ete nenang feng To.'' 9 Nikodemus kengte, ''Tu nanekotu pea lelepa ing lewang ?'' 10 Yesus lengte, ''Pea ewe koru teba Israel kana, peanya ewe jalele pawe elulangka ? 11 Bamuang-bamuang ing, Niwe lengtete ewe ja e pileele jaingpe ewele pa eware halele jaing efo, peanya ewe jawe ewe weka. 12 Anara Niwe leng-leng ewe ja-ja fitongpe ewe we-wekale, tunane nenetu ewe Niwe lengtete ewe ja-ja surgape . 13 Nebawe baung surga me eka, peing ana Kewo kerape surga hete, keing Keba Ko. 14 Peing aha ana Musa ii tembaga ke keeti taa belantara , peana ing-ang Keba Ko tekena hoeti, 15 Peanya nebawe ba mepakope-Ke efeng mepepe meme batoto. 16 Peanya Tata pungle fitong wea, Kewo Ko-keke kekelengte kelei anara nebawe ba mepung kole-Ke efeng mepe pepe , pewakote meme batoto memepe. 17 Peanya Tata Ko-Keke kekelengte kete fitong kete fitongwe jafeng ung kelele kale, pewakote fitong efeng pewewetu 18 Ba mepakope-Kewofa me ari mepepe kape, anara ba kemepaka meheme mepekong ari kelo kikile ba meing mepaka bati Tata Oke Nale Aling. 19 Kewe ana ari ing: Fefe tehe fitong, anara nebawe ne pungtu motu lopang anara fefewe ne pung tuka anara ja epa nete-netewe jafeng. 20 Peanya epa neba teho janepate feng e Fefewe ketenaji pa Fefe epa nenekate keing anara janopa-janopa nene uang- ang kate. 21 Ana ing-angra, keba jaefeng kele keti Fefe keing anara janopa-janopa ing uang kelemotu Tata.'' (Yohanis Neparake kekole Yesus) 22 Poing kafa Yesus pa tebafa teangku-Keke tete hangto Yudea. Kefu, Ke pate bang narang-rang tetee pa teba patenipa tehe. 23 Yohanis kera teba pakeleng patehe Ainon Salim watupa panawo kefua. Teba nawo nawo tetepa tenipa tehe. 24 Poing, Yohanis apaa ke kengtika. 25 Pa, pi hengtejae Yohanis teangkuke pa keba Yahudi petehe neba nea newe nete. 26 Tewe tetefi Yohanis pa tenite, ''Koru, Tebafa mepa ere pakang Yordan, tehe nepa tewa-Ke, ekaleng, Ke wera pakeleng tehe pa teba nawo tete-Ke.'' 27 Yohanis lengte, ''Nebawe jaungra epane wewekate, anaing-ang jaing pekeweleng wa surgate. 28 Ewora jari enalung eleng, ' peanya niwe-Ke keleng niha tole. 29 Baing peume kewe keing kebaleng-kebaleng; anara bato kebaleng-kebaleng kekaleng keruru pa lekelala, tepungte tafawo pina kebaleng-kebalengke teririte . Pea, efeng nine weing wakotepa. 30 Kewe kakoti bapalewo pa niwe here hapa.'' 31 ''Kewe kekahote keing ke etiho newe nalungpawo, Kewe pengri keka fitong keing keka fitong pa piwe nete ja-ja anajawe motu fitong. Kewe keka surgate ke eti mele jalelepa. 32 Kewe ja keleleng ing jaing pekefo pa kele-Ke, peana teba-teba tewe ja-Ke lei terere ongte. 33 Teba teja-Ke lei tere pungtu bamuangwo Tata ing bamuang. 34 Pea,keba ing Tata keleng kekapa Tata pike keleile keing Tata ke Feng ke kekeleng aha hete. 35 Ai keno kele Ko pa lelepafu keleleng fatate no-Keke. 36 Meba mepung meme kole-Ko meme batoto, anara meba jakeleile mepate paka Ko keke meja efengra me fofo kape, pete anara Tata feng keke pekoko me memama.''