¹ Kaimpa, Yesus ne kenalung te teangku-teangku-Keke watupa pato Tiberias. Ke ne-Keke kenalung pera ana no pefa: ² Simon Petrus, Tomas ke tenie Didimus, Natanael keka Kana Galilea fu, ko-ko Zebedeus, pa teangku hingtung hing telue. ³ Simon Petrus lengte tewe, ''Niwe rere me nilele le.'' Tewera tenite ke, ''Ne werala me nelupa nene.'' Tewe teja fatate peng pa te e tang, peanya rapang ing, tewe ja-ja ung teweka. ⁴ Wakotu fe epa, Yesus keru bang, peanya teangku-teangku terika ke ing Yesus. ⁵ Ke lengte te tewe, ''Eangku- eangku ewe me ka elena ?'' Tewe tenite ''Ka.'' ⁶ Ke lengte te tewe, ''Jala e e ewelu ja-ja nopalo tang, pa ewe elele.'' Pea, tewe jala teweluja, peanya tewe etete tetape tang i me nawo. ⁷ Pea ana ing, teangku Yesus keno lei kelengte te Petrus, Ke ing Tata!" Kaimpa Simon Petrus kele late ke ing Tata, kewe ro kewefa ke ro kekuko kewe i e poing jano kele i, pa keliheti pato. ⁸ Teangku-teangku hing tete tang pa jala teturo me eko pi. Pea, tewe lupe hambang raka, hambang pepe-pepe 200 fangha. ⁹ Kaimpa tewe tehepu lope, tewe rawong tefo me pe ete femoho pa hang ong. ¹⁰ Yesus lengte, me narang-rang e alewe kaung-ang ele.'' ¹¹ Simon Petrus ke eti tang pa jala teturo pepi me nanafa tewe hete lepe, me nawo pepe 153. Ana ing-angra me ing nawo jala jingka. ¹² Yesus lengte tewe, ''Elewe pa ja nena na.'' Teangku-teangku ing aling ungra pike kakiko Ke ka keng-keng, ''Mewe Ba?" anara tewe ri Ke weing Tata. ¹³ Yesus keti pa hang ong ing kelepa keleleng i tewe. Pera Kele ana me ing. ¹⁴ Kewe la hengtong Yesus ne kenalung teangku fa-Keke poing Kewe kefute keka neba wung nete. (Yesus Kewa Petrus Jako-Jako-Nine Me mama) ¹⁵ Wakotu jajong tetang koka fapa, Yesus lengte te Simon Petrus, ''Simon, Yohanes koke, mewe Ni ka no mepepe pe wa jalele pawe?" Petrus lengte, ''Bamuang Tata, Me Pu pea niwe Me nonile.'' Kaimpa, Yesus kelengte kewe, Mepe mama jako- jako-Nine!" ¹⁶ Yesus fang-fangra keleng ko la hingtung tekem, ''Simon Yohanes oke, mewe Ni ka no mepepe pe?" Petrus lengte, ''Bamuang Tata, Me pu ni Me nonile.'' Yesus lengte te kewe, Me mama jako-jako-Nine.'' ¹⁷ Yesus lengte ke ko la hengtong, ''Simon Yohanes oke mewe Ni ka no mepepe pe?" Petrus pung keke ana fututu tu Yesus keng la hengtong, ''Ni weka no mepepe pe?'' Pea, Petrus lengte Ke, ''Tata me pu ja lelepa Me pu niwe Me nonile!'' Yesus lengte ke Me mama jako-jako-Nine! ¹⁸ Ni leng bamuang tafa teme, po me angleng, me wo ongpu meme a mepepe pe pa leng memana nenepe pung memele; wakotu po mewe bahufa, mew no mepena hoete pe yeba hing ongpu meme a tete te, pa me teketu jana jeng me pung tuka.'' ¹⁹ Yesus jawe peke leng ko penorung ana teba bing ete noha Petrus Allah pikeleng. Pa pe keleng tepa ja ing, Ke kelengte Petrus, ''Mepa Ni.'' Ja Lewang ana Keangku ke Pungle Yesus Nokele. ²⁰ Petrus kepute pa kekaleng teangku keingba Yesus nokele kelako tewe. Ke kawe keangku kemu watupa Yesu tangrue ke po perjamuan rapang pa kekeng, ''Tata, Ba ing ba Me kena kikile.'' ²¹ Peanya kekalengte ke, Petrus kengte Yesus, ''Tata tunane kewe.'' ²² Yesus lengte, ''Anaing-ang Ni pungle ke mu batoto ko Ni ralele, ja pi hope meme? Mewe mepa Ni!" ²³ Pea, piti Yesus pewapa te lengtuke-lengtuke ing anan teangku ing tebing-bing kate, ana peing Yesus kekaleng kate pea ke wawa kale, anaing-angra keleng, ''Peanya Ke pungle ke mu batoto wakote, Ke tetele, ja pi hope meme.'' ²⁴ Keing teangku keheme kefoi lelepa we, pa japo kele jalelepa we, pa newe neru pea ja kefoi ing bamuang. ²⁵ Kaung nawo motu ja hingra pe Yesus jano kele, anara pepotu aling pa aling, niwe nepenu fitong tupa pewe hete papa katu ko ropowe lelepa ing pepo tutu.