¹ Nofanetepi Baung terifate bangha kelong nekengke jeng hefeng ing koto. ² Nera pina hefeng anara te hohoropo teka pe ehofa hapapa faka wa hupalang ana teba rinya. ³ Neba hupalang moto nekeng ke jeng hefeng ana kelongkoto pa pinile pinafeng nine. ⁴ Wa bang napang nehgtong ropa nokete Tata keku bang napang hetong wa jano kang keke. ⁵ Ropa kang ing nefofo jeng hefeng te keng ka kate." ⁶ Peing bamua teba faung tekete jeng hefeng teba lopanawo teja tote piteng hefeng tekengka tejafeng nawo tete. ⁷ Bang ung kelongko ung ang bang, ke jawa pofoa ropo pokele wa Daud pifengkele ana potokoto ho,"Ung bang pina keke elo hupa pung nafeng eleleka." ⁸ Ana Yosua tekele ka mekegti jeng hefeng peing Tata pikele ka bang hing. ⁹ Bang nenone ne perawaeto bang napang heng tong to Tata bapake. ¹⁰ Ba kengti jeng kemo kewo keku jano keleinya aha ana Tata jano kekaku. ¹¹ Peanya ne enana neko nekeng keng jeng ing ang baung ke koko ana kela japa feng-feng ing ang. ¹² Hoho ropo Tata ke pe umpa pa nafeng totawo wa ping loto hitung wane peing itopa peing nopa hupa pug epa pong peing peheke wawuwu hangta pa hupalang . ¹³ Jalelepa ung ra hokeke weng ka jalelepa bepa fefe mo loto keke wake ne jahefeng neweteng feg.