Pasal 3
Oke kemele howo pa Musa
1
Epa neba lengto bamua mekelong hohetokoto eka leng leng teba pohang pa keba tete nepi netong oke keke,
2
kelongkoto neba hefeng aha ana Musa hefengwo kelei paikeke.
3
Keing kehetipa kebamo keing nefopa jana hefeng bapalewo hana Musa keing keba heti anara pa keweeteka.
4
(Keba pa robe jano lei teba rope jano lelepa Tata).
5
Musa bamua kemo Tata paike ja kefopa pifeng kelei.
6
Oke hefeng wo ana keba angko pa robe pakeke ing neang nenako nepe nelakoko pialing bamua pinetong.
Long nihate feng pa nime
7
Ana bapoke longko uang bangwe ana pina keke elo,
8
hupalang nafeng fengka ana hupalang re ana ekelo hipo,
9
peka hatoka jobe pa kemati ni reke tafifi ana jatefo jalelepa nine bang nopong ojingko lape.
10
Peanya hufeng pa keenila teba po iang pa pinile teing hupalang kengte loma nine tefojangka."
11
Tahang ponile pa jang nifa teing jang hefeng nine tekengke kate."
12
Ee eng momo epa neba lengto wa'e bang hupalang feng wo panepung teka anara keing jafeng kele Tata hoke.
13
Jame na pung baung pa teba kaung fepa pang pang ana pi tete faeti ung bang ana Ee ing hupalang Ee nafeng momoka ongtefapa neleng tete.
14
Nemete Tata loke nebamuang nememe Tata nemeta meme wako pe hupa pung nene lopana.
15
Ana bang ungka netong na ung ang bang pina keke elo hupalang Ee nafenh fengka ana ahufeng."
16
Teba Tata hupalang tetaki la aling pina keke nero?Bapa teme Mesir Musa kele kame ke to?
17
Ba ke kehufeng felangro nopong ojing aling bapa nawo noleng tejapa tebing pa ehang wapa mololo heng foa?
18
Teba pikelongte jeng hefeng ekeng ke kale teba japa feng feng tetana?
19
Nefofo jeng hefeng tekangka keing teba teripa telaka.