¹ Wa Paulus, keke rasul keba keka na te wa neba, pewe tewa Kristus Yesus pa Allah Ai kea kelekokelefutu keka teba bing . ² Ana, wa johangke nawo te iman aling telupa-lupa ni, ko jemaat-jemaat mete Galilea. ³ Efengtafa pepe tete pe wa Allah Ai nene pa Tata Yesus Kristus , ⁴ Kewe ne-Keke kewelengtu neleng-neleng nene ung newe efeng newewe wa po fengfata wakotu ung-ang we petekotu hupalang keke Allah pa Ai nene. ⁵ Pete Kea pineteng ena ing-ang e e Peaing. Pewe Injil Fa Aling ⁶ Niwe niengtape, peana kokofa newe Ke nerufati newe menehiwa wa Kristus efengke, pa pepuna Injil hing. ⁷ Pewe ana Injil hing raka. Pea, teba narang-rangnewe tetupa taki pa tepungtu tetupahipupu Injil Kristus ⁸ Pea, anara newe pebaung peba fangpa wa surga Injil pepupanuputu newe peana hete kengwaka ana janenarung ewe, mewe jangkefa! ⁹ Peanya pe ewe neteng kapa ung-angwe i fang-fangra nileng-leng pea ana tebaka ewe teni Injil tewehipu ewe ana ja ewe ele, efeng pepe kekejangkefafa. ¹⁰ Jaha ung-ang niwe nijuele teba pialing netete Allah? Peapa jaha niwe niena teba nileko pung efeng? Fang-fangra nienako teba pung nilele, niwe bapo Kristuska. Paulus Nekekekewepei te kebapohangkekeke ¹¹ Joke-joke, ni pungle ewe elu pea ana Injil nileng ele pewe Injil neba neteka. ¹² Ni teba ra wenika, ana niwofo wa teba, peanya niwe niwe pewa Kristus Yesus. ¹³ Pea, ewe elu niwe nimule wa agama Yahudi toto, niwe jemaat Allah niapa janofeng-feng nilee pa niena ko nipenitakuku. ¹⁴ Niwe nileko agama Yahudi nileko pelengwae, pelengwae efengwonewepa aha netete teba-teba bapanine Niwe nihahiru adat istiadat jobe pa kamati nene ewe takoko. ¹⁵ Pea, kaimpa Allah niwe keheke po niwe nimu anninine huto pa nikehiwa efeng-Keke, nikepungle ¹⁶ Keleng ete Oke-Kekeifu ung niwe pifeng Keke te teba-teba Yahudika,niwe nikokofaka niwa pi keletete kebaung. ¹⁷ Niwe ra nirereka kota Yerusalem ko nire nififi tewe rasul teteto niwe, peweana niwe nikokofa nirejeng Arab pa nira mepule kota Damaskus. ¹⁸ Felangro petukapa,niwe rere kota Yerusalem ko nire bato nilele Kefas pa ana kelupa netenene jo bang hampa pang hengtong. ¹⁹ Pea anara, niwe ba aling ungra nifuka wa rasul-rasul hing, Yakobus kefa, Tata joke. ²⁰ Niwe kotu hunine ewe ni japonile te ewe kawe ewera ong nifaka. ²¹ Peana ing nirere jeng Siria pa Kilikia. ²² Niwe niba tuho tewe nifelangka jemaat-jemaat temete Kristus jeng Yudea. ²³ Tewe pitipa teriete, ''Ke, lopafu newe kekapa nolelepa-lelepa kelei ung-angwe iman kekapa hohokeleile ke lopafu kea jawe ketaku.'' ²⁴ Tewe Allah piteni pewa ni.