¹ Epa ne Kristus lapa nelefutu mpa,jalelepa ing moto ho fea eufu jee fefe Tata Kristus ke metefu je keke,Tata nonalo keke. ² Hupala mengo upe moto hofoa,fitowe pe me u uka. ³ Honara newe newula Kristus ke ing nepara nenewe ,wakoto Kristus pa Tata. ⁴ Henara Kristus ke ing nepara nene ne keke kenalu umpa mera nepara meme ing kenalulu fefe keke. ⁵ Peanya nepara meme hupala wa fitong we,hanara hupala teume,lolo,lolo fefe,peahu,jeta,ja fefe ing pe ing kebatefa jakeke me papaka. ⁶ Ja hopa fefe ing peto pate jata ari keloki le. ⁷ Toto ing era soma fefe janopa fefe ing e laku e le,nopara e eing. ⁸ Peanya ua ing jalelepa fefe ing elo ja tete maki pa,bako pa, loma pa,piti nole ing wa pero meme. ⁹ Ong ing ka jalelepa ing ele jate,nepara toto fea jano pa pepe. ¹⁰ Ua we nopara nati pe fafa,pele wae meketepi wa pitikeke,hanara me Tata lela fea. ¹¹ Wa hohowe teba Yunani ma teba Yahudi feba patehena teba pa tehekana,teba barbar na,teba Skit,budak na teba tona Kristus keing lelepa moto no keke tupa. ¹² Peanya,neba hana me pako te Tata ing keba fefe,hefe maki,peanya no meme hefe keke nya me fakoko e pi fa koko,hupala hefe,hupala me pafakoko. ¹³ Epi ing wa me pa wakote tebakaung,henara teba kau nole tete nomeme mejanopa hefe me pepe no tete.Hanara Tata me hefe hewele peanya mera,hefe menapupu teba hing. ¹⁴ Wa jelelepa ing,Tata hefe keke merami opo meme. ¹⁵ Pepete,Tata hefe keke kekute hupapu meme,hana peanya,mekeleko mepo keme nopara keke,ke mepe pepe. ¹⁶ Ura Tata pitike,hemo hupala meme Kristus fefe keke kenalu ko,teba ja menapu hoho me pe bau,te teba kaura,jara mera menapu Mazmur pa,jaramena hau pa,rohani ,lelepa ing hemoto,hupala meme Tata ne pi neteto. ¹⁷ Ja ing me pona, hoho me pena, ja ing Tuhan Yesus batike,kemebepa pite te Ai wa Oke Tata batike.