Pasal 2
1
Rasul Paulus kelenawea janowe rerefata pea jano nileko te noti e e,teba Laodikia pa teba tepa ni fanghala nefeka.
2
Robe pepeing teapa ing tewena kapofa hupe lang tete teleti alipa hupala ali janawo te hite pung tetepa hefe wa Tata lomake hanawa oke Yesus Kristus kewo.
3
Lelepa ing wah nopara keke,lelepa keke fefe keke pa,hupala keke.
4
Pi we nile ura teba e ong te fafako,E kang kiki ka'piti hefe fa wahupa la meme.
5
Hanara nepara ninewe epa neheka pa,letu ninewe epa leti alifa,ninewe kafa ele eba pawe e no nafefe erule hupa puing eing mofo Yesus Kristus ne para ke.
Mepakoko Yesus Kristus
6
Hupa la eeing Elelote Yesus Kristus sebagai Tuhan pu eing mamo kevofa.
7
Hupala hali hehe nepara meme koko hupala Yesus niteke mewiko Tata wofa jalelepa koko bati keke,hoho keke fopo ale pitike,paTata nekepa wenaka nene.
8
E emomo teba e teretute hihi loma fefe hoho ong pa api tete bepopo hoho ing loma fefe hohowaf fitowe pa tata hohoke.
9
Hanara hupala tewa Tata wofa koko nepara tete.
10
Peanya hipa la,meme keko Tata mofa wa jalelepa jana hefe pepete koko jano lelopa pehimoto tata piti keke.
11
Ura,nafa pewa tata Yesus Kristus jano keke ele halafa elela epipa.
12
Pa eheing nepara eeing ewo lo ko Yesus ikebe pahele futo wa naf kefe pa wa reka tata,hefe keke,oke Yesus Kristus kelefuto.
13
Hanara lopa fea ja netepa fee kemo lopa nele elieing,lopa pa ehi kaing nole nafo Tata e keka moti fifi keke nelo eeing kejoteka.
14
Tata rampapi nene kejo pa loma nene pemote ing kekufapa loma te wate Tata pa ne bang.Oke Yesus Kristus keke lete tebapa fitowe tekele rii.
15
Keleko teba papa teba robe teba hawo tute keleko te jahehe tete uta tebaroka,peaya kekerete Yesus ke fefe kejiete rii teke le fea.
Hoho Kole Fitowe E'Lalaka
16
Peanya ku teba mepetete ka ba jajo papa tatabang ke nah lipopo ba ke na ba kenati na na lupopo boa.
17
Ja lelepa ing pe hanara beleng tototo henara letunya pa bamuwe pepe ing Kristus nepara lieke.
18
Ba pepepe ka eiba peanya ba ing pepete teba hupa la hefe meme tanajiji ka,te ing ong tefafate hupala teteko hana hefe pa lupoja tete ete teba fong pa,pa teteri jama tefoete teteriko hupala fito wofa.
19
Pe nomafe pewi ka te robe rebe ing pea newe lipewawi koto pa ne tupa ing peli pewa wikoto kali tupa,peanya lelepa ing pe hoete wa Tata lonake.
20
Hanya ra,Kristus jalelepa ing in ekefa tate hana witowe peanya jatoko fito we eli ke,hanara eing fito tebake epako jano loma we fito loma we.
21
No mepapa ka pepa ramepepeka no mepapa wa?
22
Jano lulelepa moto fitowi luhahato pife pepeing wa penote teba fitowe.
23
Hoho letepa ing,hefe pa ete koto ing lupoja koto lepera pa hefe makihupala hefa peing lelepa ing ow o nonene tewa taka nene we tataki wo.Jalelepa ing janapepe ka'hamara teteko tewa nepe ra tete pi teniete.