Pasal 1
1
Ro pe we,wa Paulus,Yesus Kristus,bapoke,tata bake,pa wa,Timotius Yesus batoke.
2
Ni lete,jopa lala teba hupa la,Kristus ke tete ete,kolose.Tata hefeke,wa,mepa keke wako te no ee.
Paulus lu popo jo,pa,Tata pi kele
3
Lupopo ja netu upa,ratafa ne pineteng ole Yesus Kristus,
4
Lene late,hupa la meme ing koto Yesus Kristus fa,hefe meme ing koto tata bapake.
5
Hefe mame ing wa tata hefe ke moto tata paike surga wa,hoho ropo ole ke,pinake,pitike,fefe keko.
6
Pina we,wakote,emora ing wa,fitong tupa,ropo olofe wakote,na lewawa pang,pa peje poing,tata pitike we mepo pa mefopa ing tata pinake ing hoho bamua.
7
Hohowe lo eloo Epafras,eba hela e tata janoke eloile,ja Epafras hakena lu,tata batoke,ke tata janoke mepela hupala epi tala kea hoa keu.
8
Kea lekote hopa lang no mo Tata nepa nake.
9
Poing le nelate,nero lo popo jafa netene pa newanete Tata hipalo keke pa hefe keke kelelete,hehe hupa pung ee,fefe keke.
10
Hana ira,e'hupopong koko Tata kewo,hefe kekefa pinotong nete,ura jana pepe hefafu te lewawa jano hefe.Jalelepa itu Tata ma'kelele.
11
Hanara e baing nafe kewele te hapapafa maki bapale,ura nepara e eing roropa meja,kefefa epi tewenafo koko.
12
Ai bato,pinetenene hefe keke,Ai ke welot kebe,newe bati nene titela koto ropo hanara Tata tegko keke temete fefe batoto.
13
Ne we ke kofate lopate pa ne kehati ke lomafefe Yesus Kristus netike.
14
Nepara keke,mewe kekote nole nene kejo hikekepa kejo.
Kristus Me Befa ke ruruto
15
Oke Yesus Kristus Ai letuke pe ing ka ka'kebahu wa jalelepa ke lalafoa.
16
Wa nepara keke ya,jalelepa mota fitane pa,wa hofea pe kelela pateba tafa,pa jalele pa ing,wa keke pa hakeke.
17
keke keketo,ja lelepa ing pe kelela fang pa jalelepa ing ke li tejaji koto,fa halala fa,wato kea.
18
Ake ong keba robe,hanara nonene,hanara tata ba pa ke(Jemaat)ke bahu kea lopana kelefuto po kewafea ura,ke ing lopana wa jalelepa kelela fea.
19
Ai lenaiang jalelepa pemoto nekeke.
20
Jalelepa ing,pewa hefefata wa no keke,fitowe pakaing moto tata pai pee we,kefe keke kelela hi keke pa kejo,heto salib hito.
21
Lopa ing nebafe Tata nerufa te haba,Tata nake nete,wa hipala nene wowo pa jafefe ponela nete.
22
Peanya ua we,Tata ne kekati nela Yesus Kristus hefe keke,epara nene ing Tata hi keke pa jakefu pea nya newa tealo keke ne mene Aing hoke ke.
23
Peanya e baing elakoko Yesus Kristus,eru telele eletete ka'hupala eeing momo pitike hanara eleing hanara pifeing wa pa,ku fito we tapu,pianya rasul Paulus Tata fa kekeile fepa papa.
24
Uang we,ni wena kafaile wa jano wapate enitafieto pa e fa hupala nine nepara nine moto iba,ni nopara ninewe Tata ba pake(jemaat).
25
Ni,Tata janoke niloko hanara piti keke ni wahale ropo keke ja nina luele.
26
Firman Allah we pewekoto wa flaro-flaro wa keko keke,wakoto eba owe,ua bawepa kenatu teba,kudus nolu.
27
Tata hohowe kenalulu le bamua wo Tatawe kebatopa hohowe Tata kemole no i eepa haanar,jelelapa napa,pa topa wa fefe keke.
28
Piti keke Yesus nenaru lah epi nete,ja nenaru lah hefe keke,ura enenane,lala nopara eeing tata bapake telake Yesus Kristus.
29
Peg nya ni halala jano keke,halala fara hefe nafe kele jano pero eto no i nine.