¹ Pu baheve tojui, teba Tata keji-i tetelu jeali. ² Jawotu naana fe-naveka peteheto pu pa netenei tupa, jeteme; ³ pa ana rana-wapa we-e pa we-e teba tuho. ⁴ Kaipa Tata Letuke hekopi notete, kaipa tebapa lelepa pilate tete-e, ana Tata Letuke lole-teko pitetete. ⁵ Pui Yerusalem-i teba Yahudi tu ja-bapapa lelepa te-epeta naku. ⁶ Pu nai wai, tebapa tetelu. No-koteja kei lotelate hahakei ptete-e pila tetewowo. ⁷ Tebafai keitekepe pa nokoteja, pa teni: "Tebafa pite-etei teba Galilea-para? ⁸ Tunaneko lonelata pitete-ete pila nenewowo, kei pila netenete hatu jenetene: ⁹ Neba Partia, Media, Elam, tebame Mesapotamia, Yudea, pa Kapodokia, Pontus pa Asia, ¹⁰ Frigia pa Pamfilia, Mesir pa Libia pajatai watupa te Kirene, nebafau na Roma to, ¹¹ kau teba Yahudi tekau lake Yahudi lupopokate, teba Kreta pa teba Arab, lo-nelate pitete-e pila nenewowo kei Tata janoke tete kelei." ¹² Tebafai nokoteja pa keitekepe pa tenite tewowoi: "Jawe pina pepenone-e.? ¹³ Pa tekau te-tenajie: "Te-panave tejuko tahatu."

¹⁴ Kaipa Petrus jukaloru la-hahake nahipapahetoi, pa pina kavepa pikeleti te: "He eba Yahudi pa ebafa le-ele Yerusalem, loela huhufafa pa piti ninewe elafu huhufafa. ¹⁵ Tebawe te-tahatuka ana ehehaele, kei rakuwe uapa raku nahipapaali hehetu, ¹⁶ pa kei Tata loko wa bapuke Yoel: ¹⁷ Bape jalewawatui anaia Tata pifeke - Letu Nine nikepupu tebapa lelepa; tebaleaku meme pa teumeku pitetetete, teale meme jama tefufute pa teba huhu meme epa tetetete. ¹⁸ Anaira te tebapuha bale pa ume Nine Letu-Ni-kelehetoto baiale pa pina tetetete. ¹⁹ Pa jalopa Ni-lele hole, kei peta pa jakoli ko-le, kei fito: hi pa ra pa rapo-potafa. ²⁰ Ra keputi lupatowawau pa ke-kelelala hi-le Tata bakei totokapa, ba tete pa etekoi. ²¹ Pa ba Tata batike me-hiwa me-kekefufule. ²² He eba Israel, pitiwe elulu: Ni-pulei, kei Yesus ka Nazaret, kebai Tata loko pa navepa kenalu-e pa jalopa pa Tata jakoli kelei wa Ke te-ehou, anara e-lui. ²³ Kea Tata kele hupala pa taja Keke kefi, ekefe rari pa tebapapa no-otefe pa ekako kewa. ²⁴ Pa Tata leko Ke-lefuto kei Ke-kekefu jakotata, pakei lomaheka kelei jakotata ma-ke. ²⁵ Pakei Daud Ke-kelonaweako:Ni-kale-ekole Tata wofa, kei kerule nupali nine, niletetekale. ²⁶ Peanya hupapu ninewe nave pewenu pa letu ninewe kewenakapaile, no-ninewei kele roropaile, ²⁷ kei niwe tebabi jete befahetika, pa Teba-Tu Memei je takukutu tefufuka. ²⁸ Loma tete je-nilenaiaele Me-napu-ni; hupalarauwae Me-pepeheto ni-Me-hope. ²⁹ Johane, Daud-i pinile pepefaele te-e, ai bapa nene.Kewa pa i-tete, ikorakekei wakoto uawe kotu. ³⁰ Pa kei Tatabapuke pa kelu, kei Tata ma-kele pa kelokoke, kei pipafe kekewou kekefafa fujele. ³¹ Kei ke-kalenatote pa Oke lefutotole pikele, pu ke-lo, kei Ke-fito tebabi jete kelufatitikale, pa kei na-Keke takukukatu. ³² Yesus wea Tata leko kelefuto, pa jafai newei jalutopa nefo. ³³ Pa Tata no-kepa Ke-keke-eti pa Tata Letuke kelokoi keke pa ja-efue pa elue wei Ke-keleheto. ³⁴ Pa Daud peta ke-etika, pakei Daud kewolo: Tata lote Keba-tete: ³⁵ Memomo nupalo Nine, Ni-leko teba me-tehefei tememe metukolope. ³⁶ Peanya eba Israel tuawe bamua elulu, kei Tata Yesus, ekefe rarai-i, kelela Tata pa Kristus." ³⁷ Pu jai yeriko hupala tete futu, kaipa tehowete Petrus pa hahake kau: Japaha netetete, johane. ³⁸ Petrus lote-te: "emopulolo pa ebatuho wowo no-e-e elole Yesus Kristus batikepa patini ehehe ko nolei kejuju, noiau jana heve wa Letukeke Tu heto e-wewe. ³⁹ Kei te-eako jai keloko pa te teba te-ete habafua, kei nawopepe anara Tata nene lokoi." ⁴⁰ Pa piti nawo kaura kela kei jabamua lutopa kefu pa tekele pa pitikelate, kelo: "No-meme pepete tefajuju wa teba fefewea."

Tatabapake Lopana Tete-Efua

⁴¹ Tebapiti-i teri-i no-tete terinite pateni tehe pa baifa teba tolako nawo pepei aha 3.000. ⁴² Telatake teako keke janaruei pa telupa te-e. Pa bakau telupa hao teja pa lupopojatete-e. ⁴³ Kaipa tebapai tefe, kei teakokeke jalopa pa jakoli nawo tete-e. ⁴⁴ Pa tebalelepa keteji-i teteti ali, pa jelelepa yetei telupate, ⁴⁵ pa tebafai tekau jehelo tetewo jetatete, pa tekote tewowoi anara tekau japaka. ⁴⁶ Hupala ali pa telatake babafa telue Tata Paike. Hao teje-e patetewowo anapapa pa hupala rauwae pa telupa tetae pa hupala wano, ⁴⁷ pa Tata pitenie. Pa tebapa teputu. pa Tata babafa teba kelofei kelolai.