LUPOPO JAMEPEME PA JANO MEPOMEME Wanatote, jopalala, lupopo jaeloko te-ne, ko pife Keke-we ua-a pa huppapu heve, ahaali anara lewae-e, pau nenana punene teba jatakiete pa teba fefe, pa teba lelepa hupala neveka. Pa Tata-i kelatakule. Hupala meme keleko nafefetu pa e-kekawalele jefefe. Pa Tata-i keneni, kei janetoko-me, ele pa lau elele. Anaipa Tata hupala meme kenalutai te heve Keke pa te Oke lanokeke. Pa netote-e, jopalala, Tata Oke batikepa, u-noeamona porere tebaletu janoreka pa jaenaluenei janotereka. Pa ewolu, ananeu jari netenei e-lala, kei ebafai jano nenitaruka, pa teba haote afiara nenaka,pa fepapapa nave nenepa ne-ena, u-ebafai baura netakukuka. Kei anara newe jaura netekaka, kei neputu nonenewe neteko anara jali tete-e, u-elala. 0 Peanya, pu nera tene ebafai, pinawe netepatene-e: anara bau jano kelolo okele, keipa jakekakaka. 1 pitiwe nela kei neru, ebafawe tekau teafia te-ete pa janotereka, ja-afiatafa kelekakai. 2 Tebanoi pina nete pa pina nete Tata Oke, u-janoterepolojae pa noiau jajo tetewo tetae. 3 Pa-e, jopalala, jalelepa heve ele-ele nonunuka. 4 Ana bau pinetenete ropuwe kelulu oke, kebai kole elele pa ke-elalaka, u-keba rokaka, 5 pa ke-nake eloloka, pa ke-e-ehuhu anara nebaletu.

TABEJA 6 Pa Ke, Tata hupala heve, hupala heve Keke kekele polokai, wa jalelepa, te-e. Tata laku ebafai. 7 Tabeja wa ni, Paulus. Tabejawe no-oninepa japunile. Kei kole wa ropunine: noia japunine. 8 Oke pipateke, Tata nene, watakoko ebafai.!