PASAL 2

TATA TOTOLE JAFEFE WATO TOTOTU Kei Oke totole pa Ke-panelulute newate-e, jopalala, u-ekokofa pepeka pa olepa eleleka, kei letu janalu, pifeu na ropukeu teni wa neto, anara Tata baketo. Loma nohara teba noe-e teteririka! Pa bai totokapa kehipupu tole pa teba fefe terefa to, kei takukuto, kei teba pijajiete notenaru jalelepa tenimo na ana Tata ketepa. Kei kemole Tata Paike pa nokelo anara kei Tata. Eokana, jai lalafa nilopate-e, pu epanelopa tene.? Pa uawe elo ba ke-kenale, ko uapa nokenalulu ba keloko-ke. Jawekoko jafefe janotere-ete, pa uawa tekau japemoto. Anara keba kapekoi tekenapoti, puiara kebate nokenalulule, pa Oke fekelau keto kekekati kewawa pa ketakukule, anara lau Ke-totole. Keba jatakuile totolei kei kebate janoke, pa janofefe nawo kelelele, jakoli pa jalopa okefafale, 0 jao lelepa fefe kelei teba takukuto kei jai teote pa putu jabamua te-kekatiti jehevele. 1 Pa peako Tata teba keleko tehae, peatuko owe keteji, 2 u-teba bamua ketejika ma-tetete pa janofefe tete-ete.

TEBA TEREKO TETE JEHEFETE
13 Pa newe pina heve netete Tata kote-e, jopalala, Tata e-Ke pule, peanya Tata e-lopanafua kekiko e-kelofefe Letukeke ko-e kelete tutu pa te jabamua ke-ehi-ei. 14 Peako e-Ke-loko Pife kekea netenete, ko Tata hupapuke e-lolo Oke, Tata nene. 15 Peanya, navepa e-ru ruru pa ja nenarunei pea e-lomomo, ke pinetene na, japu netene. 6 Pa Ke, Okei Tata nene, pa Tata, Ai nene, pina heve Kekeko ne-pipate kele pa heve wahoheto hupala ketupi kokonai kokotu pa ja nenone toto neatu, 7 pea hupala heve pa nave heto hupala meme ko jano pa pitiheve mepame.