Tata Bake Jopalala nipule, kewe ropu lahitu awe, pu-nilete-e. Ropu lahitui ni-ena lau neleko elulu hupala-tu motu-e, u-e-emomo piti lopa bapuhake-tu nimo pa Keba nekelofefele hahake nite-e. Lopanawoi e-lulu, kei ba-pei teba neba tenajijite keto neba tenajijite, kei teba hupala fefe laete. Te ni: "Kelo ketotolei ne.? Wa jobepakama nene bi, jalelepa anaimotu, pu fitowe kelelafua." Tewo noteteko anara terika, kei Tata pitikeko fitowe totofua lewakokotu, para fitowe lewa wa-pa pa kei pa, pa paia, fito totoi taku, papa ketaku. Pa pinakekeia peta pa fito uawe pepuwatuko rawewka pa teba fefe takikika. Keipa, johane nipule, kouwe epepeka, kei, ba-ali keianara ba-alipaheto pa ba-alipaheto keianara ba-ali. Tata ja-Kelokoi kepepekale, kei anara teba nira kelufatetele, pa kei-eako pu-Ke-kape, kei Ke-pule baura takukuka, keiu eba epulolo pa taha-aa. 0 Pa ba-Keke tototui ana jeta-kelelele. Bai peta letitile ana petapupule pa jalelepa motu fitowe ra-eko otototu, pa fito pa jalelepa moturai letetetu. 1 Nya, ana jalelepai takuku noroitu, ebai noleka pa ele-tuee 2 kei e-hoele pa efahako Tata bakei kokofatoto. Bai peta ra takukule pa jalelepa motu fitowe ra-eko kakatu. 3 Pa anara Ke-lokoi, peta pa fito nati nenonene, kei bamuafa motu. 4 Peanya, jalelepawe nenonete, e-enana, u-e-nohifefeka pa Ke-ho nenoleka, Ke-pane hupala hevefa. 5 Eo anara Tata nene totole kurorofa keleile kei lokewele heve-newewete. 6 Jalelepai kele ropu keke, pu jafai huhu keleile. Ropu kekei jakau nerorokate, ko teba kau rikai pa hupala-nave kai, terehipue ko notetewo takukuto, aha ali anara japu kau kelemo.

Pepape 7 Pa e, johane nipule, jawe e-luto. Peanya e-emomo, u-e tejarutete je-ehaha teba ma-fijaka ka, pa no-elatakoi leteteka. 8 Pa ehue hupala heve te Tata pa neba Kelofeile, Tata Oke. Te fefe Keke, uawe pa konaiakoko.