Tebapuha pa koru-koru ohe-ete. Anane tebapuha ohe-ete lopafu teketopu Tata bapake, anaiara ebafaira koru-koru ohe-ete te-etete. Tejapa neba takukuto pa nehahatewea tenarue, pa tera Kebatete te-kelofeira tepapate pa tetenaiau notetewo tetakikite. Teba nawo jafefe tete-ei tela, pa Loma Bamua tenaji. Pa kei pulefeko kuru-koru omohei huhu owea tefa jana e-e tererete. Pa janofefei jawafua jatewefakotu pa jatakukutui tejarurukate. ⁴ Kei Tata tebafapa nole tetei pipate Kelekapa tekelojatete rapale pa anai tekelojate wa lupa kelofumoiko ba-pe ma-terete; pa anara Tata fito toto pipate keleka, ⁵ pa Nuh-fa kekefu, keba huhu bamua kelei-i, teba napaheto kau, pu wafo bapale kekeleheto fito teba nole nawo te-e; ⁶ pa ana nove Sodom pa Gomora ra-pa ketaku, pa anaia kekataku pa kei jakenalu teba jafefe te-ete ba-tototufua, pa Lot-fa kekefu, keba bamua, teba ma fijakai fepapapa janofefe tete-e pa kelaku hupala fefe tete, - pa keba bamuwe kelei tehou pa jafefe tete-ei kelui, ko hupala keke hevei taku - kaipa uape, kei Tata lo teba bamuai kelofefe wa teterie pa kelo teba fefe kelofumoko bape te-ralolole, 0 lopana teba hupala fefetelako notetewo tenajijite pa Tata fujeke tenajijie. Teferaka pa notere-ete, ko tefeka Tata fefeke tenajie, 1 pa teba-fapa tewoi, teba navewo pa teme te-tukolo, piti tenaji teteka, ana teba-fapa ma-tewa te-te Tata hoke. 2 Koru-koru oui te-anara jako hupalaka, ahaali ana jako te-te-eko nerorote pa ne-takukute. Jai-terikapa pea tenajie, ko jano fefe tete-ei terawo takuku anara jako fupake-e, 3 pa jafe keloko tewewe kei jafefe tete-e jakopepe. Fea jafefe tete-e, teni kei janohae. Tei jahelo pa nole, kei pa-tejuko hupala-heve to pu elupa mopa jajo pa pa-ehue. 4 Luto tetei uta hupala ekopipamo pa nole tetepolojae. Teba navekai teteriko telate. Hopala tetei jatenaruko jenanamote. Tei teba jatefa.! 5 Kei loma hevei tekeriti, kaipa te-ha, pa tela Bileam lomake, Beor oke, jafefe kelapa taimbe keloi. 6 Pa Bileam pinave kewe jafefei kelei, jako lopoi neba pinane petu pa Tata-bapuke pilmaheka kelei-i epewu. 7 Kuru-koru omofai anara pa-ru epe, anara tupa fe-topeku; tebafai je-tete tupipamotui lopato wawautu. 8 Pi afiatafa tete-e pa pinaraka pa hupalafe tereko teba uawea noteretujanapote kei teba japahae atete. 9 Jaura-faweka teniko teba kau, para tewoi jatakuku bapote, kei ba-teba keleko fetewe, kei bapu kelele kebai. 0 Pa anara te, Tata pa Nekelofefele ke-efula, Tata Oke, jafefe motu fitowe nokeafa, pa teralaki jai, ko nopara tete fetafa anara lopanawo heveko. 1 Peanya teba anai heve pepei, Loma Bamua tefujajaka pa-ana tefuja, kaipa tepupina-tu tenite-te. 2 Ana tei hevepepei jala bamuawea tenini: "Nakei keja pa keraputi-ka, pale pakeheko-tu pa kerati fi-kehe."