PASAL 3 LA HETO

ENA EME LUPA LE-E Anaiara e, he eume, mepapa pame, u-anara tebafai bau Ropuole kelaka, nopara peumepei tefuko telalate, anara tefu, kei tekarete peume nopara pepe tu pa bamua. Noja memei meba pupapaka, kei tapu mepemepe, noja emas mefamepe na ro feferakawo mehemepe, pa peputo noja memei wa nopara meme wekotu wala noja takukukato kei wa letu wano pa mepefameme, keiu Tata hoke meememomo. Pa anaia teume tu lopafu noja tete-e, kei teume hupala tete mo Tata-fa; tepaheteke pahate, anara Sara wako Abraham pa penua kei kebatete. Pa ei hahape, anara jahe ele pa jaura efuka. Anaiara he ebale, elatakuku ehae, anara teba lano.! Tabeja elele anara pipafe wa pipate, kei netenenete, u-lupopo meme jaura faweweka.

PIPATE PA HUPALAHEVE
8 Pa pepepei, ebafai piti alielae, hupala alifa, jopalala pipate ele-e, pipate pa hupala ewo, 9 pa jafefe tete-ete eleleka, bela tete-etera eleleka, pa ewepupto, te noelofefe, noia e-teni, kei janaheve elolole. Pa: 0 " Ba putu keleilele pa ba heve kefufule, pokeke jafefe kelopupuka pa pero keke okefafaka. 1 Jafefe kemomopo pa jahevefa kelei, hupalaheve kejuju pa keenako kewewe. 2 Pa teba bamuai Tata loto kakito, pa jatewaetei lo Kekakekotu, pa teba jafefe te-ete taha Ke-lekopo."

HUPALA LELEPA JAFEFE ELOE 3 Pa ba jafefe lele-ele, anara jahefa ele-ele.? 4 Paanara jaheveko jafefe eloele, e-hupala rauwawatu. Peanya ja tefe-etei efufuka pa ekukuka. 5 Pa hupala memei Oke mepeko tukoko kei anara Tata! Pa ba-lelepawe nometupipi ko tebatuho jatewaetei ei kei jatejoete-e, lano pa tabeja. 6 pa hupala tu, u-te, teba e-tenajietei tekarete mepe tu-mepe Oke, teba rokaka kei metenajie. 7 Hefe pepei jaheneteko nenapafinetei kei heve, kei anara Tata hupalake, pa jave neteko nenapafinetei keive. 8 Pa Okei kera la-ali kewako nole nene, Keba bamua kote neba bamuaka, u-neKekatiti Tata; Ke, neba neparapa tejati Kewa, pa Letupa Kelefuto, 9 pa Letuia Kekekati Tata pifeke Kelei letufau te-e apa, 0 kei letufai lopapu Nuh-fui Tata telaka, kei Tata pukekapepa kekoi pu Nuh tu-keke janokeloi, kei jetalewo, tebakofa nahipa,tea kelofe wafo bapale. 1 Era uawe kelofe balepa, kei pa-ehe - pa kei no-nole eloleka, pa kei hupala heve ewaete Tata - kei Oke lefuto, 2 kei kemole Tata nupaloke, kei Ke-eti peta tebapuha fapa-to, ma pa nafe tepa-Ke.