TATA OKE WU TOLOLO Peanya jafefe elojatete, omohe, jamepu pa ana mepuka, hufe pa lomo. Pa nomepeko anara kohapa uawea make petaha-a, no tu pulele pa noleka, u-ehue pa jeheve ewewe, anara e-bamua Tata heveke ea. Pa elolo Ke, wu batutui, kei teba keriti, ke teke pa tabeja tete Tata hoke. Pa era noelolete anara wu-tupa terepa pa-tu tewejuju, te tebapa tu, te janoleka elole-etete Oke kei Tata kepule. Kei putukotu Ropu Ole: "Bamua, wu-u Nifupako nikei Sion, wu tololo pa etekotu pa ba Ke-kememi, berokaka katu." Kianara te-e, eba kehi, ke etkole, pa teba kejikai: "Teba pa-janore-ete wui tekeriti, kelela wu tololo, para kelela wu tejitafiete pa wu tehebaete." Teheba wu-ia, kei Tata pinake telate paka; pa noiara te-tetupikotu. Pa ea bapa kekipa, eba jano loele keba tete, bapa tu, bapa Keke-wo, u-jano tafa Ke-lei huhu ele-e, kei emo lupako keloko ekere fefe Keke-i eteko. 0 E, lopafu Tata bapakeka, pa uawe ekere bapa Keke, lopafu e-teote pa uawe e-pipate tete-ete.

TENIKO ELE-E ANARA TATA BAPUKE. 1 Johane pipate nile, e-piti-nile, u-ana eba mololakule pa lolo elo, noemonaporere hupala fefe pe-enaetu nopara e-e. 2 Ele-ele tebapa Yahudi kai houi elehuhufai ewetakoko, u-anara etenaji jafefe elee, jano heve ele-ei tefufu pa Tata pitenini po keto te-Ke-fefele. 3 Epapa, kei Tata, te ma teba pupulakotu, kei te keba tete navetete ke- wekotu, 4 na te teba tafa tejejei teniko tete teba jafefete-etei ma-tetete pa teba jahefe te-etei tabeja tetete. 5 Pa kewe Tata hupalake, keijano heve eleu teba topo laute epopo. 6 Ele-e anara teba jaurafaweka pa kei anara teba jafawekai telatepaka ko jafefe tete tutatete, pa ele-e anara Tata bapuke. 7 Tebapai tabeja elele, juhame pipate mepepe, Tata mefukoko, keba tete tabeja mepepe.

OKE JAFEFE KELOI KEI ANARA JARI KENALUI 8 He e, ebapoha, keba tete meme bamua mepapa pa mefukoko, jahefefaka pa hupalalela, pa te teba hukukufa featurai. 9 Pa kei pipate, anara kebau taha-apa te Tata hupalake jafefe kelokukukako keloku. 0 Pa mepiteni, anara janole mepekapa meteketupajapa jafefe tete-e.? Pa anara jaheve ele-e pa jafefe eloe kei Tata pipateke. 1 Pa noiako e-kelo, kei Oke kera jafefe keloko te-e pa jarikenaluko te-e, u-elala loma Keke. 2 Janole Ke-leka, o-lau Keke koka. 3 Pu Ke-maki tefue, Ke-temaki kefuka; pu jafefe Ke-loi, teba Ke-leka, pa kelole-ete Ke, keba ma bamua Ke-lelele. 4 Ke-wo nole nene keloku no-Keketo rari, u-ne, nolepa newu, bamuapa nete nenete. Piu Keke-ko ne-nohae. 5 Kei lopafu ehae anara jako, pa uawe emopulo keba e-kelokakakale pa letu e-e kekawalelele.