¹ TABEJA Wa Petrus, Tata Oke ke Oke, te teba metolakete, kei telepa te-ete Pontus, Galatia, Kapadokia, Asia hapa pa Bitinia, kei teba keki, Tata taja kewofi, ² Ai nene, pa Tata Letu kepa keleko-tu, u-elatakoko Oke pa hi-popo Keke elolo. Anaipa piate pahupala heve nawo heto-e.

³ Tata pineto pa Ai Tata nene Oke, pipate-Keke teteko Oke lefuto tebabi-i nelau ketaha-a, hupalaheve panetenene, kei jakou takukukato newewete, ⁴ talelekatu, pa hau-ukatu, tefumo peta ko nene. Kei e, ⁵ nave Keke pa-e-kekawalei ko hupalanave e-e pa ehoe e-kelofefele ketopiko uaa bapele. Jai hupala rauwae, kei uawe fuele-e jalelepa teteriete. Jalelepai hupalaneve meme tu-koko penaruru - kei ahapepe tetetafa te emas-i takukuto, kei tu-pepei ra-pa telafu - ko e-keteji pa pule pa tabeja pu Oke nokenalulule. Anara Ke-efukapara, Ke-pipate-elele. Ke-ke-ehiele, Ke-uawe efuka. Raueha kei huhefe eteko pa netotoraka, hupalanavei ehakorehu, kei letu nene hefefetu. 0 Hefetuia nefunete pa bapuhakera fuete, kei pipate tete-etu. 1 Pa tewepalafue bane pa tuanara Oke Letuke puleko, kotu notete-to, kei Letu jafefe lelepa heto fefe Oke-tu pikelei pa Tatahupapuke wewe jalelepai kau. 2 Te-tei keloko, janotereko notetewoka, pa janolelepa tere-ei uawe teniko te-e wa te-to, kei Tata Letuke, tekeni peta heto, Tatapifekewea kelele-e , kei jalelepa Tata bapohake fapawe teraririte enaete.

3 Peanya hupala metupipi, meokoko pa hupala meme tupa pepe-ete fefe pipate kekeleheto-me pu Oke keteja. 4 Mepememe anara teako latakete pa hupala fefe e-pefawae pu jaeluka lalaka, 5 pa era tu-pa ele-e anara Ke-ra tu, kei e-kelo, 6 pa anara tenikotu: Eba-tu momo, anara Ni-ra tu nimole. 7 anara Ke-eloele Ai, kei Kea teba lelepa janote ma kelelelei, nya pu-ele-ele fitowe efukoko.