¹ Hemylala heka iròdu ibedeery rare, kia Deuxu riwinyrehewa. Tii hãwyy-ò rỹỹraxire: —Inatyhymy aõbo Deuxu adeereny rarybere, kìa bederaderaty òwòru my rỹireri irỹsỹrenyõkremy ² Hãwyy rirawyònyre: —Anowaxina bederaderaty koworokumy rỹireri karirỹsỹrenykre, ³ kia bederaderaty koworu tykamy rỹirerile heka anokõre. Deuxu wadekereny rarybere, kia uritre iraty karirỹsỹrenykõkremy, kia uritre tamy karerirenyke anokõre. Txibo tuu kariwinyrenykreki tahe karururenykre. ⁴ Ka hamylala tahe tamy rarybere: —Kai boho burubenyke ihoõre! ⁵ Deuxu kia my adeereny rarybere kiemy dori rieryre, txibo kai boho ibederaty birỹsỹbenykreu, kia aruerereny ruarenykre, kia tahe kai boho Deuxu wesemy belebenykre, kia aõnaonawiwi n aõnaõnabinabina bierybenykre. ⁶ Kia hãwyy bederademy robire, kiata tai iruxeramy rahãre, kia iraty awityhyre iny rirỹsỹkemy. Kiata tii rõhõtinyre timybo awimy aõbo aõnaõna rierykemy. Taita bederaderaty ritòhemy rirỹsỹre. ⁷ Kia iutyhyle iny inatxi ruereny rararenyre, kia tahe tii boho rexieryrenyre tademy ratxirenyrerimy. Taita figueira rade winy riretyretyrenyre, kia rueere wesemy riuherenykremy. ⁸ Kia itxuule yhy txioromy rayhynymyhỹ, kiata hãbu hãwyy wana Deuxu rybe-ò roholarenyre, kia oworu bedemy rariamy ratximyhỹ. Taita ilau rexiwòrenyre, bederade ykyki. ⁹ Ka Deuxu tahe hãbu-ò ryrymy ritỹỹraxinyre: —Tikibo kai atxiteri? ¹⁰ Hãbu rirawyònyre: —Diarỹ arybe-ò raholara, kia òwòru ykymy tariamy atxiteriu, kiata raberure wademy watyyõmy watxireriki. Taita rexiwòra. ¹¹ Deuxu riỹỹraxinyre: —Mobo tahe adee rarybere ademy atyyõmy atxiterimy? Kia aõbo kai bederaderaty aõbo terỹrỹta,-diarỹ alaureny birỹsỹbenykelau retòenyre? ¹² Hãbu rarybere: —Hãwyy heka wadee riwahinyre, wabiòwamy rarekremy wadee bederaty riwahinyre, taita-diarỹ rerỹsỹre. ¹³ Taita Deuxu, Tyhyhykỹ hãwyy-ò rỹỹraxire: —Aõherekibo kai tuu tewinyta? Hãwyy rirawyònyre: — Hemylala riwabòmyra kia-dikarỹ rerỹsỹra. ¹⁴ Taita Deuxu Tyhyhykỹ rarybere hemylala-ò: —Kai tuu tewinyte òraruki mararytxykre. Kia ibutumy iròdu iròdu ribi, kai sohojile kaa aõhỹỹhỹỹ bimykre kawiji bede rỹire ribi, kai mariamy mabekre bexirurehemy su-di, kia birỹsỹmy mabekre sunode. ¹⁵ —Diarỹ ariwinykre, kai kia hãwyy wana wimy maòludubenykre, kia wesemy tahe tule ariòreriòrereny raòludurenykre kia iriòreriòreny wana. Kia arati risurunyrenykre, kia kaita iriòreriòrereny wararooki buruakre. ¹⁶ Hãwyy dee Deuxu rarybere: —Arinihikỹdỹỹnykre aaõhỹỹhỹỹ abytòna-ò, kia sõemy mamytxitxikre ariòre boho ruakremy. Kia iribita, kai awimy tai mahãkre ahãbu wana mabekremy, kia tii tahe aramymy adi rarekre. ¹⁷ Kia hãbu taDeuxu rarybere myỹ: —Kai tewinyte aõmybo ahãwyy rarybere kia terỹsỹte bederade raty kia-diarỹ retòenyre rarỹsỹkelau. Kai tewinyte òraruki, suu ibinamy rarekre. Kai maõmysỹdỹỹnykre inatyhyhykỹmy bede iyhyõmy, kia suu rỹsỹna-di rỹikremy awimy adee. ¹⁸ —Tii adee riwahinykre bederahy kia bedeledelede, kai birỹsỹkre bederade syraromy rỹimyhỹre. ¹⁹ —Kia maõmysỹdỹỹnykre iutxiemy, kia maybytònykre suu aõwidi rỹikremy rỹsỹna riòreõ-di, kia heka kai su-ò boosekre, kiemy dori kai iribi telete. Kai heka su ribi telete kia ixybyle sumy bexirahorekre. ²⁰ Adaõ tahãwyy rininire Eva my, kia tii ibutumy iny mahãdurenyse my rarekremy. ²¹ —Kia Deuxu Tyhyhykỹ iròdu sityy tyy my riwinyre Adaõ-ò kia ihãwyy idi rexityynyrenykremy.