¹ Eto Mama Otohu ta ke arikari embo sokova amo embo mei ta jota.Ainge Mama Otohu ta ahe poekari embo sokova amo no dei ta purusuja.Enana amo ongikari ta kembe ari sokova amiga purusora.Enana amo tihi jigari embo pagire amina enana hoigiaja ama mane kembe isora enana amo Mama Otohu ta hinikambari avo enana dei sau be purusuja. ² Embo isamane be amo enana ta hotembari sokova avo ambo ambo isora.Eto vasiri kembe ari ta deitembu amo enana na ke sokova ainge isora. ³ Enana ta kasuma amina ke sokova na aro eto no jo avo umbasija.Iji koso be amo ta enana ta vasiri sumuma amo jene aera,eto Mama Otohu ta hinikambari enana ta dei amo miha. ⁴ Mama Otohu na anera amina ari samuna ehija amo kito toaera.Rate Mama Otohu na ke ehai avo enana gosukaro beto hoto mume kamba kamba hubeta ita tipura jota pundurari mihe iji ke kahari purusuju. ⁵ Eto ainge,Mama Otohu na enda mahu be mahu amo toaera,rate umo ikenu irerembeto ari sasamuna embo mei avo umbunu sasari uo Noah Mama Otohu ta ke ari embo javotohu be amita embo mei nei uaoho avo drekena. ⁶ Mama Otohu na ainge sodom te Gomorrah ta da pajire avo ie na ikenu beto eveketo enda tamb ena,eto enana amo usupesu ena.Enana ta dei ta ahekari ena amo re embo mei ari samuna oria amita dei purusuja. ⁷ Rate Lot embo javotebe avo embo mei na enana ta otembari ta ujeje ue ke ambo ae ore embo be avo osage oe kito avo Mama Otohu na orekiaja. ⁸ Eto anige Lot embo javotoho be amina enana ta jota iji mahu ainge mihe,enana ta pure sasamuna avo kegue eto ingihe amita asisi javoto be avo memega umbuja. ⁹ Bada na embo mei wasiri javotoho eora avo dange eto kojota orekasuja amo kegua eto ainge embo mei wasiri sasamuna eora amo enana samuna ta mine amo kasari iji te keisuja ¹⁰ Rate ke emo kemberi embo mei amina ando bisi ta ujeje sasamuna avo kaiketo ue eto ore tihijigari embo mei avo jo tohere bovua,enana ta ujeje be eto jo be amina eora eto enana ta amo mane oju eora,enana amo aneri uhu ita avo urumbeora. ¹¹ Rate anera enana ta sovera pajire be amina mane ta kasari ke avo Bada ta dei ta eora. ¹² Rate embo mei emo apu o-ohu ainge irerembari umbuto kaeto usupesu isora.Eto ainge enana na ke samuna do eora amo mahe be otembeora enana amo anige kaeto usupesu isora. ¹³ Enana amo samuna do ehera amita mine avo umbasora.Enana ta ujeje iji te eora avo otemmbihera amo javotoho bera.Enana amo togopate eto ke sokova ari embo mei enana ta wasiri sasamuna avo osasa oe umoga wahita indari indisora. ¹⁴ Enana ta tihi amo tiha pahina na pebihari,eto enana amo ari samuna eora amo enana ga inono aera.Enana amo embo mei jo heriso te avo aro pure sasamuna avo ara,eto enana ta upoga amo embo mei ta donda ujeje ari amina ahepoekari.Enana amo Mama Otohu ta hinikambari mei aundi. ¹⁵ Enana amo dei tambu jovotoho avo toto eto pumbuto beor ta mei balaam amita ari avo ambo ambo eora.Embo amo wasiri sasamuna mani na ojeara avo tumga umbuja. ¹⁶ Rate embo amo tohota wasiri samuna amita mine avo isembasuja-o don ke amina erembo ta ke na Mama Otohu ta ke arikari embo sokova amita ke sokova avo peikiaja. ¹⁷ Embo mei umo kuru bihuja rate umo erai ainge eto ga na oje umboto pambasuja ainge.Eto mume kam kam pajire be amo enana embo toari miha. ¹⁸ Amita be amo enana avo embo soro kiari embo mei kaija avo ke sokova na ke eora.Enana amo embo mei avo aro unpo bisi amita ujeje avo ara.Embo mei ari samuna eora amita erari ujei eora amo enana na ke sokova eto enana ta jo avo umbasije eora. ¹⁹ Enana na embo mei ta dei ke sokova na ke enge eora,ungo avo erari javotoho be avo erisova rate enana be avo ke sokova ta tipura embo mei.Ainge donda amita tipuru embo isuje. ²⁰ Eto enda amita samuna avo Bada ta kiari eto orekari embo Iesu Keriso ta jota toto pahuera.Rate enana avo ahako egerembeto samuna ta jota horehere avo iketo ahuru keija.Enana ta kasari kihi ta avo isapa rate ambota avo samuna be avo puresuja. ²¹ Eto javotoho re enana avo wasiri ikeri deitabu javotoho avo kiae toaera avo aua rate Mama Otohu ta ke avotari enana ta dei ikeija avo toto puhuera. ²² Eto ke emo kembera,ke do mahu ari amo enana ta dei ta ije kasuja"ino amo egerembeto tohota pere avo eunge indisuja ainge o-ohu amo umo mahu kuheija amo egerembeto upusu kuhasuja."