¹ Nin'o uari'amga ema'in bun hari hii, ee il hee, hai'avihe gaura ma'mam vemhun, ² bu ega amo'obu banibiyehe uari'me ba urarihe ve'aval,eni'ivo e'aho bu mave'e ee e'aho'o iyeya oi'mi'aval. ³ Nu maram'o vwiha ma'mam ba vwipmi anda'il bahee ee haphun urage aindo aindo'in iyapa demanhun iyehun bwee leyal, em sise vayi hii'e e'aho'o bun nugu'a gie linji'e, sendimi barene ee e'aho'o bu'in sen veyul. ⁴ Eni'ivo Godi ga'e nii niayihi'in iyapa hu mamaa vee hu nu oi'muhin iyaho nayihan, ⁵ Enare hu nii niayihan ma'giyaho nul nu'agi yaa mama'a vemga iyehun ni'ayiphuna bane'ivo hun numiri'in em hun avena vayi nin'o nahe nime so'mihun nii ega mai'uin leyul. ⁶ Godira hun avena Yesu Keriso ga'e niin ni'ayihi'in iyehun vayi nii maho'o samiehun, ⁷ hun mavwihani'in iyehun vayi hu vem nii arilmaa leyul iyehun maiyama huniya nien anji'i lenan. ⁸ Age inoma agaho yon hap'iyehun ma'mam ayohun.Nal ura veyul iya yarama na yaa uari'avol iye hii'evo ve'aval,emga unama maa giyapa ema'a niayiphun. Nugu'a iyeya mama iyehibun vayi epiya ambemhun. ⁹ Em iya ila sise aindo aindo'in gahe game bieg aravul, ee amuiniril suihun yee nibiyap aravul iya are'aval. Iyai'in iyeya unama ma'a ban. ¹⁰ Ee bisi yal ahulmi hi'um aindo aindo'in veng'gal iyaho aha no'o lulvu'um gam hu baram ga'al iya yuvenm hun, ¹¹ ega iyai'in iya unama maa giya huni areman ijehun hu sise veno iya hu ega ori ahi'giya ve'aino. ¹² Vega Nal Atemasi en Tichikas lanyep onai vu'ul iya al maram'in lo na Nikoporisi nai biunimhun vegayaho Na iyeni lovu. ¹³ Yarama maho'o al ni ehe vevo lanjep lomhun iya ega no'o a'gen Zenasi loiya iyene em Apolosi,vemga bu ma'ijum baromhun. ¹⁴ Ehu nuna nayep'aga gauara mamave yep'mahii hun ahiga ohiana ni'ayep'aga bu'o bun iyi vemhun. ¹⁵ Ega maho'o na bulhe hiyul iyeibul yaa sisira mi'avo. Eniyehun ega nimavayi nii oi'mihul iyeya sisiramivo.Vwiheni'in iya yalhe ega maboga.