¹ Ene ila maga'al iyemam nayep aval. ² Em ema'ina o'o nayip'aman al asumsame hii embun bul vee, vwipa ma'mam vwipvum himhun nimagiye agulmi ve'um ya'agip hii'al. ³ Ando'in o'o nayip'aman gaa bu unama maa giyemam vee mayihi enibiyehul yee a're ee anopa ma'giyemam ve'um himhun, ⁴ Em nin'o una unama besom'in iyen ambaiya baru'in noyip em bu asu sonli'ni ma'mam hii'e ee bun barua oi'mehe ee bun inahap oi'memhun, ⁵ bun vwip yeya ma'mam ayohe ee nii bagil'ini omhun ala ayohe, baru ayohe iya vemga Godin ila hun vayi aramhun iya ba nibiyaphun. ⁶ Em unama besom'in iyen givai ye'o uari'am gam bun vwip iyeya ma'mam ayopphun. ⁷ A'o nugu'a bong'a ve'aniya ma'mam ve'aman. A ee nayep'amaniya ma'mam nayep'anga bu on hul ve'avalval, ⁸ em ma'mam hai'ave nayep'aman, Aiyai'in ve'aniya embu aa ila sise bu aa ba uaram hun. ⁹ A unama iyai'in a'o bwee uarimi nayep'aga bu ee ema'in bun ila hii'e ee bu ba jin'aval. ¹⁰ A bun nesa ba ambemhun eni'ivo nugu'a ma'aga on vayi ara'vula iya vem samahiramhun ee iri'ua al Godin ila ee nojihuniya bu hi'ala demaniam hun. ¹¹ Godin mavwiheni'ina ega maho'o bun marini'ina amberoman. ¹² Iyaa Godin ila iye nu noyepa mwe'age hun sisegiya aramhun, em nii nayip'aga oron ayop'ara yepage hun hiiga hiimhun, ¹³ Eni'ivo niin vega maga lomhun iye ayahi Godiga'e ni'inmaga niin Egopa Yesu Keriso ra amairi'ara lo ariphun iye ayahe hiyo. ¹⁴ Yesu ra niin yehun guaman, nii sise vayi hiem hul nu imeniman emga nii ega arilman leyal, hun gaura mama vemhun. ¹⁵ Nugu'a giya, ila ma'mam amairini nayep'aval, harul'o ni'ayihe nayip aval. arem embisi aa ba ambe ariphun.