¹ Na Polne, Godin bwe em Yesu Kerison Apasol, em ega'e Godira bu iji biyihan iyeibul arilman himhun iye nayeho, ² iji mayama hii ambe vahuna Godiga il'atba'an iyapa nahami uari'man iye ajahi hiiyu. ³ Hun vee ambem ga hu ilaga nayahe nahami uari'am samai'rinan Godiga'e nu niayuhi'in iyapa nal vemhun uarieman. ⁴ Taitas gae nien haripa ee nien nima'aga besom'in iyehun veyu em mavwihini'in, manduimi hi'ina'e Godi Ome ee Yesu Keriso gae nu niayihi'in iya huhu'in. Taitas gauara ve'in Elda iji biyehan ⁵ Na akuriti lan'a vu'un iyaho gauaraga 'ulla bave'in iyehun aiyude ee aral agen na 'uari'avol iya'in Elda iji biyep'aman. ⁶ A ee iji biyip'ive'an iyah'o enga sise ve'in iyeya ba biyep'aman,enga nabal besom besom sa'in iye iji biyep'aman.Eni'ua bun ina'aheiya bu egopiya nimave sise aindo aindo'in bave'e emuhwap bun ila ba boito miamhun. ⁷ Enga'e 'ayohi'in iyeya Godin gaura mamam ayohi arilman urahe onun em hu na niyenim 'u'om deba'ainme ee doga sisehun harul hala bahimhun ee ba mahi oda'eihun moni hun unam sisegie'in na ba eng'hun. ⁸ Eni'ivo, hu ambi'ol oi'mihe mamam ayohimhun. 'Em magiyemam oi'miehe ee hu mamam vwip'um vemhun, hu enga ma'man hun gaura giya oi'mahi'in ee hu oi'bahe'in vi'ine ee oi'ba uri'ine ⁹ Bu ila noyehul iya ija gil'o sapmi ambe bun unai samnami veyul iyapa bu ni'ayehe vem ga enga hu nibiyahe veyul iyeya hu maa vemhun. ¹⁰ Bu ee maho'o ilaga bahe baveyul em bu ila aindo aindo'in il'atiyen ee ati'avol em enga sisuhui'in bul veyul iya'in veyal. ¹¹ Eni'ivo ega iyai'in ve'ini iya vem al'ava iyehun mayiyaho nugua iyeya ba nayephun sen'in hu hii'um gana huniye maho'o moni enghun unamiya sisegiye nayaho. ¹² Bun ega bita polopeti uavul iyei'in uari'aman, ya Kuriti olla vegaboga il'atmam ambeyul, unjap mam veyul." ¹³ Iyehun hu ila uari'amuniya nima arilman. Eniyehun ila gil'o naiyepp'aga bun nimayiya ii gil'o ambe bun'unai samna'aval, ¹⁴ eni'ua Jusi bun suivo'e, emambun sui'hun ila aindo aindo'in iyeya ba anda'a ambisa'aval. ¹⁵ Em ega boga bun oiyavaiya ma'aravol iyiya bun oiya vai bu ma'mam vwipvula, Eni'ua ahobun oiya vayi sise aravol iyiya sisemam vwipvul,maho'o bun oiya'iyiya gil'iyal iyehun bun oiya sisemam vwipvula. ¹⁶ Bu Godin ei'ivavo bun hiigaga'e hiyul, iye nii gi'evola bu nima Godin ee bane,bu nugu'a bit ma'a epmam bave ine.